Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Mbanjani Ŵakuchita Khumbo la Yehova Mazuŵa Ghano?

 SAMBIRO 4

Chifukwa Wuli Tikafumiska Baibolo la Mang’anamuliro gha Charu Chiphya?

Chifukwa Wuli Tikafumiska Baibolo la Mang’anamuliro gha Charu Chiphya?

Congo (Kinshasa)

Rwanda

Chigaŵa cha Baibolo lakale ichi (Symmachus fragment) chikulongora zina la Chiuta pa Salimo 69:31

Kale, Ŵakaboni ŵa Yehova ŵakaŵazganga Mabaibolo ghakung’anamulika na ŵanthu ŵanyake. Kweniso ŵakasindikizganga Mabaibolo agha na kughapeleka ku ŵanthu. Ndipouli, tikawona kuti ntchakukhumbikwa kuŵa na Baibolo ilo lingawovwira ŵanthu kuti “ŵamanye makora unenesko.” Nakuti ili ndilo ni khumbo la Chiuta. (1 Timote 2:3, 4) Ntheura mu 1950 tikamba kufumiska Baibolo la Mang’anamuliro gha Charu Chiphya mu vigaŵavigaŵa. Baibolo ili lang’anamurika makora chomene mu viyowoyero vyakujumpha 130.

Tikakhumbanga Baibolo lakupulikikwa makora. Chiyowoyero chikusintha, ntheura mazgu agho ghakusangika mu Mabaibolo ghanandi ngakale chomene, nakuti ghanyake ŵanthu ŵakuyowoyaso yayi. Kweniso kwasangika Mabaibolo ghakale chomene, agho ghatovwira kupulikiska umo Malemba Ghatuŵa ghakalembekera pakwamba mu Chihebere, Chiaramu, na Chigiriki.

Tikakhumbanga Baibolo ilo likusazgirako yayi ku mazgu gha Chiuta, nesi kuwuskako. Awo ŵakung’anamura Baibolo ŵakwenera kusintha chilichose yayi. Iwo ŵakwenera kung’anamura waka ivyo vikalembeka pakwamba. Ndipouli, mu Mabaibolo ghanandi ŵali kuwuskamo zina la Chiuta, lakuti Yehova.

Tikakhumbanga Baibolo ilo likulumba uyo wakalipeleka kwa ise. (2 Samuyeli 23:2) Mu Baibolo Lachingelezi la Mang’anamuliro gha Charu Chiphya, zina la Yehova lili kuweleramo mu malo 7,000 umo likasangikanga kale, nga umo viliri mu Baibolo lakale chomene. Wonani chithuzithuzi icho chili musi. (Salimo 83:18) Ŵakafwasilira pakung’anamura Baibolo ili, ntheura likunozga pakuŵazga. Chinyake ntchakuti likutovwira kumanya umo Yehova wakughanaghanira. Kwali muli nalo Baibolo la Mang’anamuliro gha Charu Chiphya, kwali yayi, kweni tikumuchiskani kuti muŵazgenge Mazgu gha Yehova zuŵa na zuŵa.—Joshuwa 1:8; Salimo 1:2, 3.

  • Chifukwa wuli tikawona kuti ntchakukhumbikwa kuŵa na Baibolo liphya?

  • Kasi awo ŵakukhumba kumanya khumbo la Chiuta ŵangachita vichi zuŵa na zuŵa?

Manyani Vinandi

Malemba Ghakupatulika mu Mang’anamuliro gha Charu Chiphya

Wonani ivyo vili mu Baibolo la Mang’anamuliro gha Charu Chiphya, ilo ndakung’anamulika makora kweniso ndipusu pakuŵazga.

Baibolo ni Buku Lakufuma kwa Chiuta

Kasi Baibolo lingamovwirani wuli para muli na masuzgo? Chifukwa wuli tikugomezga mauchimi gha mu Baibolo?