Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Mbanjani Ŵakuchita Khumbo la Yehova Mazuŵa Ghano?

 SAMBIRO 6

Kasi Ntchakovwira Kuwungana na Ŵakhristu Ŵanyithu?

Kasi Ntchakovwira Kuwungana na Ŵakhristu Ŵanyithu?

Madagascar

Norway

Lebanon

Italy

Taŵanyake tikwenda mitunda yitali muthondo kuti tikafike ku ungano. Ŵanji ŵakwenda uku zuŵa lili dee! ndipo mazuŵa ghanyake kukuŵa vula. Kweni nanga vingasuzga wuli, panji nanga vingalema wuli, Ŵakaboni ŵa Yehova ŵakuwungana na ŵanyawo. Chifukwa wuli?

Maungano ngakovwira pa umoyo wa munthu. Nyengo yinyake, Paulosi wakayowoyanga vya ŵanthu awo tikuwungana nawo, wakati: “Tighanaghaniranenge.” (Ŵahebere 10:24) Mazgu agha ghakung’anamura kuti tikwenera kumanyana makora. Ntheura, apa Paulosi wakuti tifipiranenge mtima. Para tikuchezga na ŵanyithu, tikusanga kuti nawo ŵakujumpha mu visuzgo, kweni ŵachali kuteŵetera, ntheura tikukhwimiskika.

Ubwezi ukukonda. Awo tikuwungana nawo mbanthu ŵakuti tikuwonana waka yayi, kweni mbabwezi ŵithu. Nyengo zinyake tikuchezga nawo kunyumba. Kasi ivi vikutovwira wuli? Vikutovwira kumanya kuti ŵanyithu nawo mbakuzirwa, ntheura tikuŵatemwa chomene. Para ŵasuzgika, tikuŵawovwira, chifukwa mbabwezi ŵithu. (Zintharika 17:17) Usange tikuchezga na waliyose mu mpingo, tikulongora kuti ‘tikupwelelerana.’—1 Ŵakorinte 12:25, 26.

Ntheura chingaŵa makora kuti mutemwanenge na ŵanthu awo ŵakuchita khumbo la Chiuta. Mungasanga ŵanthu ŵantheura pakati pa Ŵakaboni ŵa Yehova. Paŵavye chakumutondeskani kusopa nase.

  • Chifukwa wuli ntchakovwira kuwungana na ŵanyithu?

  • Mwambenge pawuli kusopa nase?

Manyani Vinandi