Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Mbanjani Ŵakuchita Khumbo la Yehova Mazuŵa Ghano?

Kasi Khumbo la Chiuta Ndakuti Wuli?

Kasi Khumbo la Chiuta Ndakuti Wuli?

Chiuta wakutikhumbira umoyo wamtende na wachimwemwe mu paradiso wambura kumara pano pasi.

Kweni panji mungafumba kuti ‘Vingachitika wuli?’ Baibolo likuti Ufumu wa Chiuta ndiwo uzamuchita ivi. Kweniso khumbo la Chiuta ndakuti ŵanthu wose ŵamanye vya Ufumu uwu na ivyo uzamutichitira.—Salimo 37:11, 29; Yesaya 9:7.

Chiuta wakukhumba kuti tisange chandulo.

Dada muwemi wakuŵakhumbira viwemi ŵana ŵake. Ndimo waliri Dada withu wakuchanya. Iyo wakukhumba kuti tikondwenge muyirayira. (Yesaya 48:17, 18) Watilayizga kuti “uyo wakuchita khumbo la Chiuta wakukhalilira muyirayira.”—1 Yohane 2:17.

Chiuta wakukhumba kuti tendenge mu nthowa zake.

Baibolo likuti Mlengi withu wakukhumba “kuti watisambizge nthowa zake” ndipo tendenge “mu mendero ghake.” (Yesaya 2:2, 3) Iyo wali na “ŵanthu ŵa zina lake” awo ŵakupharazga khumbo lake pa charu chose.—Milimo 15:14.

Chiuta wakukhumba kuti timusopenge mu umoza.

Chisopa cheneko chikupasura ŵanthu yayi, kweni chikuŵasambizga umoza na chitemwa chanadi. (Yohane 13:35) Kasi mbanjani ŵakusambizga ŵanthu kuti ŵasopenge Chiuta mu umoza? Sambirani kabuku aka kuti musange zgoro.

 

Manyani Vinandi

Kasi Ŵakaboni ŵa Yehova Ŵakuchita Wuli Pakusambizga Ŵanthu Baibolo?

Ŵakaboni ŵa Yehova ŵakusambizga ŵanthu Baibolo kwaulere. Wonani umo ŵakuchitira.

Chifukwa Wuli Mukwenera Kusambira Baibolo?

Baibolo likuzgora mafumbo ghakuzirwa gha ŵanthu ŵanandi pa charu chose. Kasi mukukhumba kuti mafumbo ghinu ghazgoreke?

Kasi Chiuta Wakukhumba Kuti Vinthu Viŵe Wuli pa Charu Chapasi?

Kasi khumbo la Chiuta lakuti charu chizakaŵe paradiso lizamufiskika? Para ni nthena, pawuli?