Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Masuzgo Ghamalenge?

Kasi Masuzgo Ghamalenge?

Kasi mungati . . .

  • enya?

  • yayi?

  • kwali?

 IVYO BAIBOLO LIKUYOWOYA

“Chiuta . . . wazamufyura masozi ghose ku maso ghawo, ndipo nyifwa yizamuŵakoso yayi. Kuzamuŵavya kutengera panji kulira, kutampha nesi vyakuŵinya.—Chivumbuzi 21:3, 4, Mang’anamuliro gha Charu Chiphya.

VYANDURO IVYO MUNGASANGA CHIFUKWA CHA LAYIZGO ILI

Mugomezgenge yayi kuti ni Chiuta wakupangiska masuzgo.—Yakobe 1:13

Mupembuzgikenge pakumanya kuti Chiuta nayo vikumukhwaska para tikusuzgika.—Zekariya 2:8

Muŵenge na chigomezgo kuti masuzgo ghose ghamalenge.—Salimo 37:9-11

 KASI TINGAGOMEZGA NADI IVYO BAIBOLO LIKUYOWOYA?

Enya. Pali vifukwa vinandi, kweni tiyowoyengepo viŵiri:

  • Chiuta wakukwenyelera para tikusuzgika. Ghanaghanirani waka umo Yehova wakajipulikira apo ŵanthu ŵake ŵakaŵasuzganga. Baibolo likuti Yehova wakachita chitima chifukwa cha “awo ŵakaŵayuzganga na awo ŵakaŵatambuzganga.”—Ŵeruzgi 2:18, Mang’anamuliro gha Charu Chiphya.

    Chiuta wakutinkha chomene awo ŵakusuzga ŵanyawo. Mwachiyelezgero, Baibolo likuti Yehova wakutinkha “mawoko agho ghakuthiska ndopa zambura mulandu.”—Zintharika 6:16, 17

  • Chiuta wakupwelelera munthu waliyose payekha. Mbanthu pera yayi awo ŵakumanya masuzgo ghawo. Yehova nayo wakumanya!2 Midauko 6:29, 30.

    Kwizira mu Ufumu wake, Yehova wamazgenge masuzgo gha munthu waliyose sonosono apa. (Mateyu 6:9, 10) Pasono, wakupembuzga wose awo ŵakumupenja.—Milimo 17:27; 2 Ŵakorinte 1:3, 4.

 FUNDO YAKUTI MUGHANAGHANIREPO

Chifukwa wuli Chiuta wazomerezga kuti tisuzgikenge?

Baibolo likuzgora fumbo ili pa ŴAROMA 5:12 na 2 PETROSI 3:9.

Manyani Vinandi

Chifukwa Wuli Chiuta Walekelera Uheni na Suzgo?

Kasi uheni ukamba wuli? Chifukwa wuli Chiuta wakuwuwona waka m’paka sono?