Vya screen reader

Sankhani chiyowoyero

Lutani pa menyu yachiŵiri

Lutani apo pali nkhani

Ŵakaboni ŵa Yehova

Chitumbuka

Kasi Ŵakufwa Ŵazamuwuka Nadi?

Kasi Ŵakufwa Ŵazamuwuka Nadi?

Kasi mungati . . .

  • enya?

  • yayi?

  • kwali?

 IVYO BAIBOLO LIKUYOWOYA

“Kuzamuŵa chiwuka.”—Milimo 24:15, Mang’anamuliro gha Charu Chiphya.

VYANDULO IVYO MUNGASANGA PARA MUNGAGOMEZGA LAYIZGO ILI

Mupembuzgikenge para mubali winu wafwa.—2 Ŵakorinte 1:3, 4.

Muwopenge yayi nyifwa.—Ŵahebere 2:15.

Muŵenge na chigomezgo chakuzakawonaso ŵabali ŵinu.—Yohane 5:28, 29.

 KASI TINGAGOMEZGA NADI IVYO BAIBOLO LIKUYOWOYA?

Enya. Pali vifukwa vinandi, kweni tiyowoyengepo vitatu:

  • Chiuta ndiyo wakalenga vyamoyo vyose. Baibolo likuti Yehova ‘ntchisimi cha umoyo.’ (Salimo 36:9; Milimo 17:24, 25) Uyo wakalenga vyamoyo vyose wali na nkhongono kuwezgerapo umoyo wa munthu para wafwa.

  • Chiuta wakawuskapo ŵanthu ŵakufwa kumanyuma. Mu Baibolo muli ŵanthu 8 awo ŵakawuskika ku ŵakufwa. Ŵanthu aŵa ŵakaŵa ŵana, ŵachekuru, ŵanalume, na ŵanakazi. Ŵanyake ŵakafwa kwa nyengo yichoko waka, kweni yumoza wakaŵa mu dindi kwa mazuŵa ghanayi.—Yohane 11:39-44.

  • Chiuta ngwakunweka kuti wazakawuskeso ŵakufwa kunthazi. Yehova wakutinkha nyifwa, nakuti ni mulwani wake. (1 Ŵakorinte 15:26) Ngwakukhumbisiska kuthereska mulwani uyu. Ngwakunweka kuwuska awo wakuŵakumbuka kuti ŵazakaŵeso na umoyo pa charu chapasi.—Yobu 14:14, 15.

 FUNDO YAKUTI MUGHANAGHANIREPO

Chifukwa wuli tikuchekura na kufwa?

Baibolo likuzgora fumbo ili pa GENIZESI 3:17-19 na ŴAROMA 5:12.

Manyani Vinandi

Kasi Awo Ŵali Kufwa mbwenu Kuli Kumara?

Kasi chikuchitika ntchivichi para munthu wafwa? Kasi awo ŵali kufwa ŵazamuŵaso ŵamoyo?