Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Chiuta Wakutiphalira Uthenga Uwemi!

 SAMBIRO 13

Kasi Uthenga Uwemi pa Nkhani ya Chisopa Ngwakuti Wuli?

Kasi Uthenga Uwemi pa Nkhani ya Chisopa Ngwakuti Wuli?

1. Kasi visopa vyose ni viwemi?

Mu visopa vyose muli ŵanthu awo ŵakukhumba nadi kuteŵetera Chiuta. Chakukondweska ntchakuti Chiuta wakuŵaghanaghanira ŵanthu aŵa. Kweni chachitima ntchakuti viheni vinandi vikuchitika mu zina la chisopa. (2 Ŵakorinte 4:3, 4; 11:13-15) Kanandi tikupulika kuti visopa vinyake vikukolerana na vigeŵenga, ndipo para kuli nkhondo vikuŵa pakati, kweniso ŵaliska ŵakuchitira ŵana vyamuziro. Awo ŵakugomezga Chiuta, vinthu ivi vikuŵaŵinya chomene.—Ŵazgani Mateyu 24:3-5, 11, 12.

Chisopa chaunenesko chikuchindika Chiuta, kweni chisopa chautesi chikumukwiyiska. Chisopa chautesi chikusambizga vinthu ivyo mu Baibolo mulije. Chikusambizga mautesi pakuyowoya vya Chiuta na ŵanthu awo ŵali kufwa. Kweni Yehova wakukhumba kuti ŵanthu ŵamumanye makora.—Ŵazgani Ezekiel 18:4; 1 Timote 2:3-5.

2. Kasi uthenga uwemi pa nkhani ya chisopa ngwakuti wuli?

Chiuta wakupusikika yayi na visopa ivyo vikuyowoya waka kuti vikumutemwa, uku vikutemwa charu cha Satana. (Yakobe 4:4) Baibolo likuti visopa vyose vyautesi ni “Babuloni Mukuru.” Babuloni ukaŵa msumba uwo ukaŵako Chiwowota cha Nowa chikati chamara. Mu msumba uwu ndimo mukambira chisopa chautesi. Sonosono apa, Chiuta wawuskengepo chisopa chautesi, chifukwa chikupusika na kuyuzga ŵanthu.—Ŵazgani Uvumbuzi 17:1, 2, 5, 16, 17; 18:8.

Pali nkhani yinyake yakukondweska. Yehova wakuŵaluwa yayi ŵanthu awo ŵakukhumba nadi kumuteŵetera, kweni ŵachali mu visopa vyautesi. Wakuŵasambizga unenesko kuti ŵaŵe ŵanthu ŵake.—Ŵazgani Mika 4:2, 5.

 3. Kasi awo ŵakukhumba nadi kuteŵetera Chiuta ŵakwenera kuchitachi?

Chisopa chaunenesko chikovwira ŵanthu kuŵa ŵakukolerana

Yehova wakuŵaghanaghanira awo ŵakutemwa unenesko na uwemi. Lekani wakuti ŵafumemo mu chisopa chautesi. Awo ŵakutemwa Chiuta mbakunozgeka kusintha kuti ŵamukondweske.—Ŵazgani Uvumbuzi 18:4.

Kale, ŵanthu awo ŵakakhumbanga nadi kuteŵetera Chiuta, ŵakapulika uthenga uwemi ku ŵapositole, na kuwupokelera mwakukondwa. Yehova wakaŵasambizga umo ŵangaŵira ŵakukondwa. Ivyo ŵakachita ntchisambizgo kwa ise mazuŵa ghano. Iwo ŵakapulikira uthenga uwemi. Pa vyose ivyo ŵakachitanga, ŵakadangizganga Yehova.—Ŵazgani 1 Ŵatesalonika 1:8, 9; 2:13.

Yehova wakuŵapokelera awo ŵafumako ku chisopa chautesi na kukolerana na ŵanthu ŵake. Para namwe mungapulikira ntchemo ya Yehova, muŵenge ŵabwezi ŵake. Muŵenge pakati pa ŵanthu ŵakutemwana, ndipo muzamusanga umoyo wamuyirayira.—Ŵazgani Mariko 10:29, 30; 2 Ŵakorinte 6:17, 18.

4. Kasi Chiuta wazamuchita wuli kuti ŵanthu wose ŵazakaŵe ŵakukondwa?

Ntchakukondweska kupulika kuti chisopa chautesi cheruzgikenge sonosono. Ŵanthu ŵazamuyuzgikaso yayi pa charu chose. Chisopa chautesi chizamupusikaso ŵanthu yayi, nesi kunjizga thinkho pakati pawo. Ŵanthu wose ŵazamukolerana pakusopa Chiuta waunenesko yekha.—Ŵazgani Uvumbuzi 18:20, 21; 21:3, 4.

 

Manyani Vinandi

Kusopa Uko Chiuta Wakuzomerezga

Wonani fundo 6 izo zingatovwira kuti timanye awo ŵali mu chisopa chaunenesko mazuŵa ghano.

Koleskani Kusopa Kwaunenesko

Kasi mungakumana na masuzgo wuli para mukuphalirako ŵanyinu ivyo mukugomezga? Kasi mungachita wuli kuti muleke kuŵakhuŵazga?