Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Chiuta Wakutiphalira Uthenga Uwemi!

 SAMBIRO 15

Chifukwa Wuli Ntchiwemi Kulutilira Kumanya Chiuta?

Chifukwa Wuli Ntchiwemi Kulutilira Kumanya Chiuta?

1. Kasi uwemi wa kulutilira kusambira Baibolo ngwakuti wuli?

Chifukwa cha ivyo mwasambira mu Baibolo, sono mukwenera kuti mukumutemwa chomene Yehova. Kweni kulekera penepapa yayi. (1 Petrosi 2:2) Kuti muzakasange umoyo wamuyirayira, lutilirani kusambira Mazgu gha Chiuta na kuŵa nayo pafupi.—Ŵazgani Yohane 17:3; Yuda 21.

Chipulikano chinu chikurenge para mukulutilira kusambira vya Chiuta. Ichi chimovwiraninge kuti mukondweske Chiuta. (Ŵahebere 11:1, 6) Chimovwiraninge kuti musinthe nkharo yinu na kuchita ivyo Chiuta wakukhumba.—Ŵazgani Milimo 3:19.

2. Pakuti mwamanya vinandi vya Chiuta, kasi mungawovwira wuli ŵanyinu?

Mungaŵa ŵabwezi ŵa Yehova

Kanandi para tasambira kanthu, tikutemwa kuphalirako ŵanyithu. Uku mukusambira Baibolo, mumanyenge umo mungalongosolera Malemba kuti ŵanji ŵapulikiske ivyo mukugomezga, na viwemi ivyo Chiuta walayizga.—Ŵazgani Ŵaroma 10:13-15.

Ŵanandi ŵakuphalirako dankha ŵabwezi na ŵabali ŵawo uthenga uwemi uwo ŵasambira. Kweni yowoyani makora. Muleke kuŵaphalira kuti chisopa chawo ntchautesi. Imwe ŵaphalirani ivyo Chiuta walayizga. Kweniso kumbukani kuti kanandi ŵanthu ŵakutoleka mtima na nkharo yinu kuluska ivyo mukuyowoya.—Ŵazgani 2 Timote 2:24, 25.

3. Kasi mungaŵa pafupi na Chiuta m’paka mpha?

Sono mukumutemwa chomene Chiuta, chifukwa mukusambira Mazgu ghake. Ntheura muŵenge mubwezi wa Yehova.  Nakuti namwe mungaŵa yumoza wa ŵana ŵake.—Ŵazgani 2 Ŵakorinte 6:18.

4. Kasi mungachita wuli kuti muleke kuwelera nyuma?

Lutilirani kusambira Mazgu gha Chiuta. (Ŵahebere 5:13, 14) Pemphani yumoza wa Ŵakaboni ŵa Yehova kuti wasambire namwe Baibolo mu buku la Kasi Baibolo Likusambizgachi Chomenechomene? Para mulutilirenge kusambira Mazgu gha Chiuta, vinthu vyendenge makora.—Ŵazgani Salmo 1:1-3; 73:27, 28.

Yehova, uyo ni Chiuta wakukondwa, ndiyo wakutiphalira uthenga uwemi uwo tasambira. Mungasendelera kwa iyo usange mukuwungana na ŵanthu ŵake. (Ŵahebere 10:24, 25) Para mulutilirenge kukondweska Yehova, muzamusanga umoyo wamuyirayira. Palije chakuzirwa icho mungachita kuluska kusendelera kwa Chiuta.—Ŵazgani 1 Timote 1:11; 6:19.

 

Manyani Vinandi

MAUNGANO

Kasi pa Nyumba ya Ufumu Pakuchitika Vichi?

Lutani kuti mukawone ivyo vikuchitika.

KUSAMBIRA BAIBOLO

Chifukwa Wuli Mukwenera Kusambira Baibolo?

Baibolo likuzgora mafumbo ghakuzirwa gha ŵanthu ŵanandi pa charu chose. Kasi mukukhumba kuti mafumbo ghinu ghazgoreke?

Kasi Baibolo Likusambizgachi Chomenechomene?

Sendelerani kwa Chiuta mu Pemphero

Kasi Chiuta wakupulika para mukupemphera? Kuti musange zgoro lake, mukwenera kumanya dankha ivyo Baibolo likusambizga pa nkhani ya pemphero.