Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Chiuta Wakutiphalira Uthenga Uwemi!

 SAMBIRO 14

Chifukwa Wuli Yehova Wali na Gulu?

Chifukwa Wuli Yehova Wali na Gulu?

1. Chifukwa wuli Chiuta wakasora Ŵaisrayeli kuŵa gulu lake?

Chiuta wakasora ŵazukuru ŵa Abrahamu na kuŵazgora mtundu, ndipo wakaŵapa malango. Mtundu uwu wakawuthya “Israyeli,” ndipo wakakhumbanga kuti ŵademelere ku chisopa chaunenesko na mazgu ghake. (Salmo 147:19, 20) Chilato chikaŵa chakuti kwizira mu mtundu wa Israyeli, ŵanthu ŵa mitundu yose ŵasange chandulo.—Ŵazgani Genesis 22:18.

Chiuta wakasora Ŵaisrayeli kuŵa ŵakaboni ŵake. Para Ŵaisrayeli ŵapulikira malango gha Chiuta, vinthu vikendanga makora. (Duteronome 4:6) Para tasambira mdauko wa Ŵaisrayeli, tikumanya vinandi vya Chiuta waunenesko.—Ŵazgani Yesaya 43:10, 12.

2. Chifukwa wuli Ŵakhristu ŵaunenesko ŵakwenera kuŵa gulu limoza?

Nyengo yikati yajumphapo, Chiuta wakawuleka mtundu wa Israyeli na kusora mpingo Wachikhristu. (Mateyu 21:43; 23:37, 38) Mazuŵa ghano napo, Ŵakhristu ŵaunenesko ndiwo mbakaboni ŵake.—Ŵazgani Milimo 15:14, 17.

Yesu wakasora ŵasambiri kuti ŵapharazge na kuzgora ŵanthu ŵakufuma mu mitundu yose kuŵa ŵasambiri. (Mateyu 10:7, 11; 24:14; 28:19, 20) Sono tili ku umaliro wa mgonezi, panji kuti charu chiheni ichi, ndipo mulimo uwu wafikapo. Yehova waguza ŵanthu kufuma mu mitundu yose, ndipo ŵakukolerana pakusopa mu unenesko. Mazuŵa ghano, ŵateŵeti ŵake ŵalipo mamiliyoni ghanandi. (Uvumbuzi 7:9, 10) Ŵakhristu ŵaunenesko mbakukolerana, ndipo ŵakukhwimiskana na kovwirana. Pa charu chose chapasi, ŵakusambira vinthu vimoza vyakufuma mu Baibolo.—Ŵazgani Ŵahebere 10:24, 25.

 3. Kasi Ŵakaboni ŵa Yehova ŵa mazuŵa ghano ŵakamba wuli?

M’ma 1870, ŵanthu ŵachoko waka awo ŵakatemwanga kusambira Baibolo ŵakamba kubowozga unenesko uwo ukabisika nyengo yitali. Ŵakamanya kuti Yesu wakasora mpingo wa Ŵakhristu kuti upharazgenge. Ntheura ŵakamba kupharazga Ufumu pa charu chose. Mu 1931, ŵakamba kuchemeka na zina lakuti Ŵakaboni ŵa Yehova.—Ŵazgani Milimo 1:8; 2:1, 4; 5:42.

4. Kasi Ŵakaboni ŵa Yehova ŵakulongozgeka wuli?

Ŵakhristu ŵakati ŵamba kuŵa ŵanandi, mipingo yikalongozgekanga na wupu uwo ukajilambikanga kwa Yesu, Mutu wa mpingo. (Milimo 16:4, 5) Ŵakaboni ŵa Yehova nawo ŵakulongozgeka na wupu wa ŵanalume ŵakumanya tunthu. Wupu uwu ukulaŵilira maofesi mu vyaru vyakupambanapambana. Mu maofesi agha ndimo mukuchitika ntchito ya kung’anamura, kusindikizga, na kugaŵa mabuku agho ghakulongosora Baibolo mu viyowoyero vyakujumpha 600. Ntheura Wupu uwu ukukhwimiska na kulongozga mipingo yakujumpha 100,000. Mu mpingo uliwose muli ŵalara, panji ŵalaŵiliri. Ŵanalume aŵa ŵakupwelelera mskambo wa Chiuta.—Ŵazgani 1 Petrosi 5:2, 3.

Ŵakaboni ŵa Yehova ŵakupharazga makani ghawemi na kuzgora ŵanthu kuŵa ŵasambiri. Ŵakupharazga nyumba na nyumba nga umo ŵakachitiranga ŵapositole. (Milimo 20:20) Ŵakujipeleka kusambira Baibolo na ŵanthu awo ŵakutemwa nadi unenesko. Kweni Ŵakaboni ŵa Yehova ni gulu waka yayi. Iwo ni mbumba, ndipo ŵali na Dada uyo wakuŵatemwa. Pakuŵa ŵabali na ŵadumbu, iwo ŵakutemwana. (2 Ŵatesalonika 1:3) Pakuti ŵanthu ŵa Yehova ŵakuŵikapo mtima kuti ŵakondweske Chiuta na kovwira ŵanji, mbakukondwa chomene.—Ŵazgani Salmo 33:12; Milimo 20:35.

 

Manyani Vinandi

Khalilirani mu Chitemwa cha Chiuta

Kasi tingalongora wuli kuti tikuwonga kweniso kukondwa na vyose ivyo Chiuta watichitira?

Kasi Ŵakaboni ŵa Yehova Mbanthu Ŵamtundu Wuli?

Kasi mukumanyapo ŵanthu ŵalinga awo Mbakaboni ŵa Yehova? Kasi mukumanya vichi chomene vya ise?