Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Chiuta Wakutiphalira Uthenga Uwemi!

 SAMBIRO 5

Kasi Chiuta Wachitengechi na Charu Ichi?

Kasi Chiuta Wachitengechi na Charu Ichi?

1. Chifukwa wuli Chiuta wakalenga charu chapasi?

Chiuta wakapeleka charu ku ŵanthu, ŵanalume na ŵanakazi wuwo. Ichi ntchikaya chithu. Ntheura Adamu na Eva ŵakalengeka kuti ŵababe ŵana mwakuti ŵalute kuchanya yayi. Kuchanya kukaŵa kale ŵangelo. (Job 38:4, 7) Chiuta wakatora munthu wakwamba na kumuŵika mu paradiso muwemi wakuchemeka munda wa Edeni. (Genesis 2:15-17) Khumbo la Yehova likaŵa lakuti Adamu na ŵana ŵake ŵakhale mu charu kwamuyirayira.—Ŵazgani Salmo 37:29; 115:16.

Pakwamba, munda wa Edeni pera ndiwo ukaŵa paradiso. Chilato chikaŵa chakuti mwanalume na muwoli wake ŵababe ŵana, kuzuzga charu chose chapasi, na kuchizgora paradiso. (Genesis 1:28) Charu chiparanyikenge yayi. Ichi ntchikaya cha ŵanthu kwamuyirayira.—Ŵazgani Salmo 104:5.

2. Chifukwa wuli charu chapasi ni paradiso yayi?

Adamu na Eva ŵakamupulikira yayi Chiuta, lekani Yehova wakaŵafumiskamo mu munda. Paradiso wakamalira papo, ndipo ŵanthu ŵatondeka kumuwezgerapo. Baibolo likuti: “Charu chapelekeka mu woko la ŵaheni.”—Job 9:24.—Ŵazgani Genesis 3:23, 24.

Kasi Chiuta wali kutondeka kufiska khumbo lake? Yayi. Iyo ngwankhongonozose. Wangatondeka yayi. (Yesaya 45:18) Wachitenge vyose ivyo wakanozgera ŵanthu pakwamba.—Ŵazgani Salmo 37:11, 34.

3. Kasi Paradiso wazamuwelerapo wuli?

Para Yesu wamba kuwusa, wazamuwezgerapo Paradiso. Pa nkhondo yakuchemeka Haramagedoni, wazamudangilira ŵangelo kuparanya wose awo ŵakususka Chiuta. Kufuma apo, Yesu wazamukaka Satana vilimika 1,000. Ŵanthu ŵa  Chiuta ŵazamupona pharanyiko ili chifukwa Yesu wazamuŵadangilira na kuŵavikilira. Ŵazamukondwa kwamuyirayira mu Paradiso pa charu chapasi.—Ŵazgani Uvumbuzi 20:1-3; 21:3, 4.

4. Kasi masuzgo ghamalenge pawuli?

Kasi Chiuta wazamumazga pawuli masuzgo pa charu chapasi? Yesu wakayowoya “chimanyikwiro” chakulongora apo umaliro wizirenge. Usange ivyo vikuchitika mazuŵa ghano vingalutilira, pangaŵavya kawemi, lekani tikumanya kuti “umaliro wa mgonezi” wasendelera.—Ŵazgani Mateyu 24:3, 7-14, 21, 22.

Mu vilimika 1,000 ivyo Yesu wazamuwusa charu chapasi, wazamumazga masuzgo ghose. (Yesaya 9:6, 7; 11:9) Padera pa kuŵa Themba, Yesu wazamuŵa Musofi Mukuru, ndipo wazamugowokera zakwananga za wose awo ŵakutemwa Chiuta. Ntheura, mwa Yesu, Chiuta wazamumazga matenda, uchekuru, na nyifwa.—Ŵazgani Yesaya 25:8; 33:24.

5. Kasi mbanjani ŵazamuŵa mu Paradiso?

Ku Nyumba ya Ufumu, mwamusanga ŵanthu awo ŵakutemwa Chiuta ndipo ŵakukhumba kumukondweska

Awo ŵakupulikira Chiuta ndiwo ŵazamuŵa mu Paradiso. (1 Yohane 2:17) Yesu wakatuma ŵasambiri ŵake kukapenja awo mbakuzika na kuŵasambizga umo ŵangachitira kuti ŵatemweke na Chiuta. Mazuŵa ghano, Yehova wakusambizga ŵanthu ŵanandi mwakuti ŵaŵe ŵakwenelera kuzakaŵa mu Paradiso pa charu chapasi. (Zefaniya 2:3) Ku Nyumba za Ufumu za Ŵakaboni ŵa Yehova, ŵanalume ŵakusambira umo ŵangachitira makora na ŵawoli kweniso ŵana ŵawo. Ŵanakazi ŵakusambira umo ŵangachitira na ŵafumu kweniso ŵana ŵawo. Ŵapapi na ŵana ŵakusopera pamoza, ndipo ŵakusambira umo ŵangasangira chandulo na uthenga uwemi.—Ŵazgani Mika 4:1-4.

 

Manyani Vinandi

Kasi Chiuta Wakukhumba Kuti Vinthu Viŵe Wuli pa Charu Chapasi?

Kasi khumbo la Chiuta lakuti charu chizakaŵe paradiso lizamufiskika? Para ni nthena, pawuli?