Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova la 2017

Likuru ku Warwick, NY

Vinyake Ivyo Vikachitika Chaka Chajumpha

Vinyake Ivyo Vikachitika Chaka Chajumpha

 APO masuzgo ghakulutilira mu charu cha Satana ichi, ŵanthu ŵa Yehova nawo ŵakulutilira kuchita “vinandi mu mulimo wa Fumu.” (1 Kor. 15:58) Malipoti ghakulondezgapo ghakulongora kuti Ŵakaboni ŵa Yehova pa charu chose ‘ŵakugomezga Yehova . . . ŵakuchita uwemi . . . na kuchita mwakugomezgeka.’—Sal. 37:3.

Kusamuska Ofesi Yikuru na Munthavi

Mulimo wakusazgirako ofesi ya Wallkill ku New York, ukamara pa Febuluwale 1, 2016, ndipo ichi chachitiska kuti Komiti ya Munthavi ya ku United States, Dipatimenti Yakulaŵilira Uteŵeti, na madipatimenti ghanyake gha ofesi ya munthavi ya ku United States ghasamukire ku Wallkill. Pakuti sono mulimo wakuzenga ofesi yikuru ku Warwick ukumara, ŵabali pa Beteli ya ku Brooklyn ŵali pa kalikiliki kusama mu New York City na kuluta ku ofesi yiphya iyi.

Ŵanthu ŵazamwamba kuzomerezgeka kuwona malo pa ofesi  yikuru ku Warwick pa Mande, Epulero 3, 2017. Pazamuŵa nthowa ziŵiri zakuwonera malo. Ŵalendo ŵazamuŵa na mwaŵi wa kwenda ŵekha na kuwona vinthu vyakupambanapambana mu vithuzithuzi panji pa sikirini. Nthowa yinyake njakuti ŵalendo ŵazamulongozgeka na munthu. Vigaŵa ivyo ŵalendo ŵazamuwona ŵekha kwambura kulongozgeka na munthu ni ivi:

  1. “The Bible and the Divine Name” Pa chigaŵa ichi, ŵalendo ŵazamuwona Mabaibolo ghanyake agho panji ŵandaghawonepo kweniso ŵazamuwona ukaboni wakuti zina la Chiuta likwenera nadi kusangika mu Baibolo.

  2. “A People for Jehovah’s Name” Pa chigaŵa ichi, ŵalendo ŵazamumanya mdauko wa Ŵakaboni ŵa Yehova, kweniso ŵazamuwona umo Yehova wasinthira vinthu pachokopachoko pa nkhani ya kulongozga, kusambizga, na kuwunganya ŵanthu ŵake kuti ŵachitenge khumbo lake.

  3. “World Headquarters—Faith in Action” Pa chigaŵa ichi, ŵalendo ŵazamupulika ivyo makomiti gha Wupu Wakulongozga ghakuchita pakovwira ŵanthu ŵa Yehova kuti ŵawunganenge, ŵapharazgenge, ŵaryenge chakurya chauzimu kweniso kuti ŵatemwanenge.

Nyengo yakwambira kuwona vinthu vyakupambanapambana ni 8:00 mulenji m’paka 4:00 mise, kwamba pa Mande m’paka pa Chinkhondi. Ŵalendo ŵazamuŵaso na mwaŵi wa kuwona malo kwa maminiti 20 pakulongozgeka na munthu, ndipo ŵazamuwona maofesi ghanyake na kuwaro. Nyengo yakuwonera malo ni 8:00 mulenji m’paka 11:00, kweniso kwambira 1:00 mise m’paka 4:00, kwamba pa Mande m’paka pa Chinkhondi.

Pambere mundalute kukawona malo, lutani dankha pa jw.org na kuwona pa MANYANI VYA ISE > MAOFESI NA KUWONA MALO > United States.

MU CHIGAŴA ICHI

Kuŵika Mtima pa Ntchito ya Kupharazga

Kasi awo ŵakateŵeteranga pa Beteli ŵachita wuli kuti ŵazgoŵere umoyo unyake?

“Imwe Ndimwe Ŵanthu Ŵawemi Chomene Kukhala Namwe”

Pa Meyi 7 na 8, 2016, ŵanthu ŵapafupi ŵakachemeka ku chiwoneskero cha Mabaibolo ku Brooklyn Heights, New York.

Ungano Uphya Uwo Ukutovwira pa Uteŵeti na Umoyo Wachikhristu

Mu Janyuwale 2016, maungano ghamukati mwa sabata ghakasintha.

JW Broadcasting ‘Yikutipa Nkhongono na Kutisamphuska!’

JW Broadcasting yikamba mu 2014 ndipo sono yikusangika mu viyowoyero vyakujumpha 90. Kasi ŵanthu ŵakuti wuli?

Kujulira Maofesi

Kujulira maofesi ku Kyrgyzstan na Armenia ntchinthu chakukondweska chomene ku ŵanthu ŵa Yehova.

Nkhani za Milandu mu 2016

Kasi Ŵakaboni ŵa Yehova ŵakaŵapa milandu wuli mu 2016?

Malipoti Ghapadera—Nkhani Zakufuma pa Charu Chose

Ivyo vyachitika pa ntchito ya Ŵakaboni ŵa Yehova ku Argentina, Belize, Burundi, Congo (Kinshasa), Germany, Italy, Nepal, Papua New Guinea, na Uganda.