Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova la 2017

 GEORGIA

Nkhakhumbanga Kuti Nisinthe Umoyo Wane

Davit Samkharadze

Nkhakhumbanga Kuti Nisinthe Umoyo Wane
  • WAKABABIKA MU 1967

  • WAKABATIZIKA MU 1989

  • MBIRI YAKE Wakaŵapo mulaŵiliri wakwendakwenda. Kwambira mu 2013, ni msambizgi wa masukulu ghakusambizga Baibolo.

Mu 1985, apo nkhaŵa na vyaka 18, ŵalara ŵa Soviet Union ŵakanitumizga ku usilikari. Nkhakwenyeleranga chomene na nkhaza kweniso kuyuzgana ivyo ŵasilikari ŵakachitanga, ndipo nkhati mu mtima: ‘Nkhukhumba yayi kuŵa nga mbanthu aŵa. Nkhukhumba kuŵa munthu muwemi.’ Kweni nkhawona kuti ivyo nkhakhumbanga ndivyo nkhachitanga yayi nyengo zose. Nkhakhumbanga chomene kuti nisinthe umoyo wane.

Nkhawerako ku usilikari na kwiza ku nyumba. Usiku unyake, tikaŵa na chiphikiro. Chiphikiro chikati chamara, nkhalomba Chiuta kuti wanovwire kuti nisinthe. Zuŵa lakulondezgapo apo nkhalutanga ku ntchito, nkhendera kwa ankhazi, awo ŵakaŵa yumoza wa Ŵakaboni ŵa Yehova. Nkhati nanjira mu nyumba yawo, nkhasanga kuti muli Ŵakaboni ŵachoko waka, ŵakaŵa na ungano. Ŵakanipokelera makora chomene, ntheura nkhaghanaghana kuti nitegherezgeko ivyo ŵakasambiranga.

Nkhazomera kusambira Baibolo, ndipo pakati pajumpha myezi 6 nkhabatizika. Yehova wali kunovwira kuti niŵe munthu muwemi, chinthu icho panekha mphanyi nkhakwaniska yayi.