Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova la 2017

Upper Svaneti

 GEORGIA

Charu cha Georgia

Charu cha Georgia

Ŵanthu ŵakukondwa pakutondora mpheska

Malo Charu cha Georgia chili na mapiri ghatali ndipo kanandi ghakubenekelereka na chiwuvi. Charu ichi chili kugaŵika paŵiri, chigaŵa cha kumafumiro gha dazi na cha kumanjiliro gha dazi. Chigaŵa chilichose chili na tuvigaŵa tunandi, ndipo mphepo zikupambana mu chigaŵa na chigaŵa. Mu tuvigaŵa utu muli ŵanthu awo ŵakupambana mitheto, sumu, na magule.

Ŵanthu Chili na ŵanthu ŵakukwana 3.7 miliyoni, ndipo ŵanandi mwa iwo mbenecho charu.

Chisopa Ŵanthu ŵanandi ŵakuti Mbakhristu ŵa Orthodox. Ŵanthu ŵachoko waka (pafupifupi 10 peresenti) ndiwo Mbasilamu.

Chiyowoyero: Chiyowoyero chawo chikuchemeka Chigeorgia. Chiyowoyero ichi chikupambana chomene na viyowoyero vya mu vyaru ivyo vyapakana na charu cha Georgia. Ukaboni ukulongora kuti alifabeti ya Chigeorgia yikapangika nikale chomene,  pambere nyengo yithu yindambe.

Umoyo: Ŵanthu ŵanandi mu charu ichi mbalimi. Pasono charu ichi chikusanga ndalama zinandi chomene chifukwa cha ŵalendo awo ŵakwiza kuzakawona malo.

Nyengo: Chigaŵa chaku mafumiro gha dazi chikotcha panji kuzizima chomene yayi. Malo gha mumphepete mwa Black Sea, kumanjiliro gha dazi kwa Georgia, ghakotcha kweniso ghakuzizima, ndipo ndiko kukusangika vipasi vinandi.

Ŵakutondora mpheska ku Kakheti

 Chakurya: Pa chakurya chilichose icho ŵanthu ŵa ku Georgia ŵakurya, pakuŵa buredi. Buredi lawo ŵakuphika mu uvuno wakuchita kuwumba. Chakurya chenecho ni msuzi ukhomi uwo pakuphika ŵakusazgako vyakununkhiriska na mphangwe zakuŵaŵa. Ŵanthu ŵa ku Georgia ŵakamba nikale chomene kupanga vinyo. Kanandi vinyo ŵakupanga na kulisunga mu viŵiya vikuruvikuru vyadongo. Ŵanthu ŵanandi ŵakupanda mpheska zawo na kupanga ŵekha vinyo. Ku Georgia kuli mitundu ya mpheska pafupifupi 500.

Umo ŵakuphikira buredi