Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova la 2017

Mupukutu wa Makani Ghawemi wakuchemeka Mokvi, uwo ukalembeka m’ma 1300 C.E mu Chigeorgia

 GEORGIA | 1924-1990

Baibolo mu Chigeorgia

Baibolo mu Chigeorgia

CHIGEORGIA ntchimoza mwa viyowoyero ivyo Baibolo likamba kung’anamulika. Viyowoyero vinyake ni Chiarmenia, Chikopitiki, Chilatini, Chisiriya, na vinyake. Ukaboni ukulongora kuti mipukutu yakale ya Makani Ghawemi mu Chigeorgia, makalata gha Paulosi, na Masalimo yikalembeka m’ma 450 C.E. panji kumasinda. Mu vyaka vyakulondezgapo, ŵanthu ŵakalutilira kung’anamura na kukopera Baibolo mu Chigeorgia, lekani pali Mabaibolo ghanandi gha chiyowoyero ichi. *

Ivyo ŵanthu ŵanyake ŵa ku Georgia ŵakulemba mu mabuku kweniso makhaliro gha ŵanthu, vikulongora kuti ŵakutolera ivyo vili mu Baibolo. Mwachiyelezgero, nkhani yachitima ya Fumukazi Shushanik, iyo panji yikalembeka cha kuumaliro wa 400 C.E., muli mazgu ghanyake agho ghali kutoleka mu Baibolo. Mu powemu yake (The Knight in the Panther’s Skin), iyo yikalembeka cha m’ma 1220, Shota Rustaveli wakazunuramo vya makhaliro gha Ŵakhristu. Wakalemba vyakukhwaskana na ubwezi, lusungu, na kutemwa ŵalendo. Ŵanthu ŵa ku Georgia ŵachali kughachindika chomene makhaliro agha.

^ ndime 3 Kuti mumanye vinandi, wonani nkhani ya mutu wakuti: “Cinthu Cakuzirwa Ico Cikabisika kwa Vilimika Vinandi,” mu Gongwe la Mulinda la Juni 1, 2013.