Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Buku Lane la Nkhani za mu Baibolo

Nkhani Nambara 23: Maloto gha Faro

Nkhani Nambara 23: Maloto gha Faro

Vilimika viŵiri vikajumphapo, Yosefe wakaŵa wacali mu jere. Wakupelekera nkhombo wakamukumbuka yayi. Usiku unyake Faro wakalota maloto ghaŵiri ghapadera comene ndipo wakamanya yayi ng’anamuro lake. Kasi wamuwona wagona pasi apa? Namulenji, Faro wakacema ŵanalume ŵake ŵavinjeru na kuŵaphalira ivyo wakalota. Kweni ŵakamanya yayi ng’anamuro la maloto ghake.

Pa nyengo iyi ndipo wakupelekera nkhombo wakakumbukira Yosefe. Wakaphalira Faro kuti: ‘Apo nkhaŵa mu jere mukaŵa mwanalume munyake uyo wakumanya kupatawura ng’anamuro la maloto’. Pa nyengo yeneyiyo Faro wakacema Yosefe na kumufumyamo mu jere.

Faro wakaphalira Yosefe maloto ghake: ‘Nkhawona ng’ombe ziwemi zinkhondi na ziŵiri zakututuŵa. Pamanyuma pake nkhawona ng’ombe zinkhondi na ziŵiri zakughanda. Ndipo ng’ombe zakughanda zikarya zakututuŵa.

Faro wakulota

‘Mu loto lane laciŵiri nkhawona mphonje zinkhondi na ziŵiri za cidomba zakuca makora izo zikaŵa ku phekesi limoza. Pamanyuma pake nkhawona mphonje zinkhondi na ziŵiri za cidomba zakughanda. Ndipo mphonje zakughanda zikarya mphonje zinkhondi na ziŵiri izo zikaŵa zakuca makora.’

Yosefe wakaphalira Faro kuti: ‘Maloto ghose ghaŵiri ghakung’anamura cinthu cimoza. Ng’ombe zinkhondi na ziŵiri zakututuŵa na mphonje zinkhondi na ziŵiri za cidomba zakuca makora vikung’anamura vilimika vinkhondi na viŵiri. Kuŵenge vilimika vinkhondi na viŵiri vya vyakurya vinandi mu Eguputo. Pamanyuma pake kuŵenge vilimika vinkhondi na viŵiri vya njara.’

Cifukwa ca ici, Yosefe wakaphalira Faro kuti: ‘Penjani munthu wavinjeru na kumwimika kuti wawunjike vyakurya mukati mu vilimika vinkhondi na viŵiri vya vyakurya vinandi. Ntheura ŵanthu ŵazamufwa na njara cara mu vilimika vinkhondi na viŵiri vya njara.’

Fundo iyi yikaŵa yiwemi comene kwa Faro. Antheura wakasankha Yosefe kuti wawunjike vyakurya na kuvisunga. Pakuti wakaŵa waciŵiri kwa Faro, Yosefe wakaŵa munthu wakuzirwa comene mu Eguputo.

Vilimika vinkhondi na viŵiri vyati vyajumphapo, Yosefe wakawona ŵanalume ŵanyake ŵakwiza. Kasi mwaŵamanya? Ni ŵakuru ŵake 10! Awiskewo ŵakaŵatuma kuti ŵalute ku Eguputo cifukwa cakurya cikaŵamalira ku Kenani. Yosefe wakaŵamanya ŵakuru ŵake, kweni iwo ŵakamumanya yayi. Kasi ukumanya cifukwa cake? Nchifukwa cakuti Yosefe wakakura, ndiposo wakavwara vyakuvwara vyamtundu unyake.

Yosefe wakakumbuka kuti apo wakaŵa mwana wakalota kuti ŵabali ŵake ŵakiza kuzakamujikamira. Kasi ukukumbuka kuti ukaŵazgapo nkhani iyi? Antheura Yosefe wakawona kuti ni Ciuta uyo wakamutuma kuti wize ku Eguputo, ndipo na cifukwa ciwemi. Kasi ukughanaghana kuti Yosefe wakacitapoci? Tiye tiwone.

Genesis 41:1-57; 42:1-8; 50:20.



Mafumbo

  • Nchivici cikacitikira Faro usiku unyake?
  • Nchifukwa wuli wakupelekera nkhombo wakakumbukira Yosefe pakati pajumpha nyengo yitali?
  • Nga ni umo mukuwonekera pa cithuzithuzi, ni maloto wuli ghaŵiri agho Faro wakalota?
  • Kasi Yosefe wakati maloto ghakang’anamuranga vici?
  • Ni mwauli umo Yosefe wakaŵira munthu wakuzirwa comene mu Egupto mwakuti waŵe waciŵiri kwa Faro?
  • Nchifukwa wuli ŵakuru ŵa Yosefe ŵakiza ku Egupto, ndipo ŵakatondekeraci kumumanya?
  • Ni loto wuli ilo Yosefe wakakumbukira, ndipo likamovwira kumanya vici?

Mafumbo ghanyake

  • Ŵazgani Genesis 41:1-57.

    Ni mwauli umo Yosefe wakazirwiskira Ciuta, ndipo ni mu nthowa wuli iyo Ŵakhristu lero ŵangalondezgera ciyelezgero cake? (Gen. 41:16, 25, 28; Mat. 5:16; 1 Pet. 2:12)

    Ni mwauli umo vilimika vya vyakurya vinandi ndipo pamanyuma pake vilimika vya njala ku Egupto vikuwoneskera mphambano iyo yili pa umoyo wauzimu wa ŵanthu ŵa Yehova lero na Cikhristu cautesi? (Gen. 41:29, 30; Am. 8:11, 12)

  • Ŵazgani Genesis 42:1-8 na 50:20.

    Kasi nchiheni kuti ŵateŵeti ŵa Yehova ŵasindamirenge munthu cifukwa ca udindo uwo wali nawo usange mutheto wa caru ndimo wuliri? (Gen. 42:6)

Manyani Vinandi

Yosefe Wakaponoska Ŵanthu

Koperani nkhani iyi na kuŵerenga vya Yosefe, uyo Chiuta wakamovwira kuponoska ŵanthu.