Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Buku Lane la Nkhani za mu Baibolo

Nkhani Nambara 31: Mozesi na Aroni Ŵakawonana na Faro

Nkhani Nambara 31: Mozesi na Aroni Ŵakawonana na Faro

Mozesi wakati wafika ku Egupto, wakaphalira mukuru wake Aroni vyose vyakukhwaskana na minthondwe. Apo Mozesi na Aroni ŵakalongora Ŵaisrayeli minthondwe iyi, ŵanthu wose ŵakagomezga kuti Yehova wakaŵa nawo.

Mozesi na Aroni ŵakaluta kukawonana na Faro. Ŵakamuphalira kuti: ‘Yehova Ciuta wa Israyeli wakuti, “Zomelezga ŵanthu ŵane kuti ŵalute mu mapopa kuti ŵakanisope mazuŵa ghatatu.” ‘Kweni Faro wakazgora kuti: ‘Nkhumumanya yayi Yehova. Nizomerezgenge cara kuti Ŵaisrayeli ŵalute.’

Faro wakakwiya cifukwa ŵanthu ŵakakhumbanga kulekezga milimo yawo kuti ŵakasope Yehova. Antheura wakasazgirako milimo yawo kuluska pakwamba. Ŵaisrayeli ŵakakwiyira Mozesi cifukwa ca nkhaza izo Ŵaegupto ŵakaŵacitilanga, ndipo Mozesi citima cikamukora comene. Kweni Yehova wakamuphalira kuti waleke kufipa mtima. Yehova wakati: ‘Nipangiskenge Faro kuti wazomerezge ŵanthu kuluta.’

Mozesi na Aroni ŵakukumana na Faro

Mozesi na Aroni ŵakalutaso kukawonana na Faro. Pa nyengo iyi ŵakacita munthondwe. Aroni wakaponya pasi ndodo yake, ndipo yikazgoka njoka yikuru. Ŵanalume ŵamahara ŵa Faro nawo ŵakaponya pasi ndodo zawo, ndipo zikazgoka njoka. Kweni, wonani! Njoka ya Aroni yikurya njoka za ŵanalume ŵamahara. Faro wakakana nipera kuzomerezga Ŵaisrayeli kuti ŵalute.

Ntheura nyengo yikakwana yakuti Yehova wamupe sambiro Faro. Kasi ukumanya umo wakacitira? Wakatuma vilengo 10, panji masuzgo ghakuru, pa Egupto.

Pamanyuma pa vilengo vinandi, Faro wakacema Mozesi, ndipo wakati: ‘Lekeska cilengo, ndipo niŵalekenge Ŵaisrayeli kuti ŵalute.’ Kweni para cilengo caleka, Faro wakasinthanga maghanoghano ghake. Wakakananga kuzomerezga ŵanthu kuti ŵalute. Kweni, paumaliro pake, pamanyuma pa cilengo ca nambara 10, Faro wakazomerezga Ŵaisrayeli kuluta.

Kasi ukuvimanya vilengo 10 ivi? Tiye tivisambire.

Exodus 4:27-31; 5:1-23; 6:1-13, 26-30; 7:1-13.



Mafumbo

  • Kasi Ŵaisrayeli ŵakacita wuli ŵati ŵawona minthondwe iyo Mozesi na Aroni ŵakacita?
  • Kasi Mozesi na Aroni ŵakamuphaliraci Faro, ndipo wakaŵazgora vici?
  • Nga ni umo cithuzithuzi cikulongolera, kasi cikacitika nchivici apo Aroni wakaponya pasi ndodo yake?
  • Ni mwauli umo Yehova wakasambizgira Faro, ndipo Faro wakacitapoci?
  • Nchivici cikacitika pamanyuma pa cilengo ca nambara 10?

Mafumbo ghanyake

  • Ŵazgani Exodus 4:27-31 na 5:1-23.

    Kasi Faro wakang’anamurangaci apo wakati: ‘Nkhumumanya Yehova cara’? (Ex. 5:2; 1 Sam. 2:12; Rom. 1:21)

  • Ŵazgani Exodus 6:1-13, 26-30.

    Ni mwauli umo Yehova wakalekera kujivumbura kwa Abrahamu, Yisake na Yakobe? (Ex. 3:13, 14; 6:3; Gen. 12:8)

    Kasi tikujipulika wuli kumanya kuti Yehova wakatuma Mozesi nangauli Mozesi wakajiwona kuŵa wambura kwenelera kucita mulimo uwo wakapika? (Ex. 6:12, 30; Luka 21:13-15)

  • Ŵazgani Exodus 7:1-13.

    Apo Mozesi na Aroni ŵakayowoya mwacikanga ivyo Yehova wakaŵatuma kwa Faro, kasi nchiyelezgero wuli ico ŵakapeleka ku ŵateŵeti ŵa Ciuta lero? (Ex. 7:2, 3, 6; Mil. 4:29-31)

    Ni mwauli umo Yehova wakalongolera nkhongono zake zikuru pa ŵaciuta ŵa Egupto? (Ex. 7:12; 1 Mid. 29:12)

Manyani Vinandi

Chiuta Wakatuma Mozesi ku Eguputo

Chifukwa wuli Farawo wakapulikira yayi Mozesi na Aroni? Kasi vikamumalira wuli Farawo?