Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Buku Lane la Nkhani za mu Baibolo

Nkhani Nambara 11: Ciŵingavura Cakwamba

Nkhani Nambara 11: Ciŵingavura Cakwamba

Kasi ukumanya cinthu cakwamba ico Nowa wakacita pamoza na mbumba yake ŵati ŵafuma mu cingalaŵa? Wakapeleka sembe panji cawanangwa kwa Ciuta. Ungamuwona wakucita ici pa cithuzithuzi ico cili pasi apa. Nowa wakapeleka cawanangwa ca nyama, kuwonga Ciuta cifukwa ca kuponoska mbumba yake ku cigumula.

Cingalaŵa na ciŵingavura

Kasi ukughanaghana kuti Yehova wakakondwa na cawanangwa ici? Enya, wakakondwa naco. Ndico cifukwa cake wakalayizga Nowa kuti waparanyengeso caru cara na cigumula.

Mwambura kucedwa caru cikawomira, ndipo Nowa na mbumba yake ŵakayamba umoyo wuphya kuwaro kwa cingalaŵa. Ciuta wakaŵatumbika ndipo wakaŵaphalira kuti: ‘Mubabe ŵana ŵanandi. Mwandane mupaka muzuzge caru cose.’

Kweni pamanyuma pake, para ŵanthu ŵakatenge ŵazakapulikenge za cigumula, ŵakatenge ŵazakacitenge wofi kuti cigumula cinyake cingacitikaso. Mwantheura Ciuta wakapeleka cinthu cinyake kuti cikumbuskenge ŵanthu za layizgano lake lakuti waparanyengeso caru na cigumula cara. Kasi ukumanya ico wakapeleka kuti ciŵakumbuskenge? Cikaŵa ciŵingavura.

Nowa na mbumba yake

Ciŵingavura nyengo zinandi cikuwoneka mu mlengalenga para dazi laŵala pamanyuma pakuti vura yaleka kuwa. Viŵingavura vingaŵa na mitundu yinandi yakutowa. Kasi uli kuciwonapo ciŵingavura? Kasi waciwona ico cili pa cithuzithuzi apa?

Ciuta wakati: ‘Nkhulayizga kuti ŵanthu na nyama viparanyikengeso cara na cigumula. Ndipo para ciŵingavura cawoneka, niciwonenge ndipo nikumbukenge layizgano lane.’

Mwantheura para ukuwona ciŵingavura, kasi cikwenera kukukumbuska vici? Layizgano la Ciuta lakuti waparanyengeso caru yayi na cigumula.

Genesis 8:18-22; 9:9-17.



Mafumbo

  • Nga ni umo mukuwonera pa cithuzithuzi, kasi cakwamba Nowa wakacitaci wati wafuma mu cingalaŵa?
  • Kasi Ciuta wakaphalira Nowa na mbumba yake kuti ŵacite vici cigumula cati camara?
  • Kasi Ciuta wakalayizga vici?
  • Para tawona ciŵingavura, kasi cikwenera kutikumbuska vici?

Mafumbo ghanyake

  • Ŵazgani Genesis 8:18-22.

    Ni mwauli umo nase tingapelekera “sungu liwemi” kwa Yehova? (Gen. 8:21; Heb. 13:15, 16)

    Kasi Yehova wakumanya vici za mtima wa munthu, ndipo ise tingasambirapo vici? (Gen. 8:21; Mat. 15:18, 19)

  • Ŵazgani Genesis 9:9-17.

    Kasi ni phangano wuli ilo Yehova wakayowoya pakukhwaskana na vilengiwa vyose vya pa caru? (Gen. 9:10, 11)

    Nkhwa utali wuli uwo phangano la ciŵingavura liŵenge likugwira nchito? (Gen. 9:16)