Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Kasi Baibolo Likusambizgachi Chomenechomene?

 VYAKUSAZGIRAPO

Kasi Mikayeli, Mungelo Mulara, ni Njani?

Kasi Mikayeli, Mungelo Mulara, ni Njani?

MUNGELO wakuchemeka Mikayeli wakuzunulika mu mavesi ghanandi yayi mu Baibolo. Kweni para wazunulika, wakuŵa kuti wakuchita chinthu chinyake. Mu buku la Daniyeli, Mikayeli wakulimbana na ŵangelo ŵaheni; mu kalata ya Yuda, wakupindana na Satana, ndipo mu buku la Chivumbuzi, wakurwa nkhondo na Dyabulosi na viŵanda vyake. Pakuti Mikayeli wakuvikilira mazaza gha Yehova na kumarana na ŵalwani ŵa Chiuta, wakuchita vinthu mwakuyana na zina lake, ilo likung’anamura kuti, “Ni Njani Wali Nga ni Chiuta?” Kweni, kasi Mikayeli ni njani?

Ŵanthu ŵanyake ŵakuŵa na mazina ghaŵiri panji ghatatu. Mwachiyelezgero, zina linyake la Yakobe ni Israyeli, ndipo zina linyake la mpositole Petrosi ni Simoni. (Genizesi 49:1, 2; Mateyu 10:2) Mwakuyana waka, Baibolo likuti Mikayeli ni zina linyake la Yesu Khristu. Yesu wakachemekanga na zina ili pambere wandize pa charu chapasi kweniso wati wakwera kuchanya. Tiyeni tiwone vifukwa vya mu Malemba ivyo tikuyowoyera kuti Mikayeli ni Yesu Khristu.

Mungelo Mulara. Mazgu gha Chiuta ghakuyowoya za Mikayeli “mungelo mulara.” (Yuda 9) Fundo iyi yikulongora kuti mungelo uyu wakuluska ŵangelo wose. Kweniso yikulongora kuti pali mungelo mulara yumoza pera. Mu Baibolo, lizgu lakuti “mungelo mulara” likulongora kuti njumoza pera, mbanandi yayi. Ndipo Yesu ndiyo wali kupika udindo uwo ukulongora kuti ni mungelo mulara. Pakuyowoya za Fumu Yesu Khristu, iyo yikawuka ku ŵakufwa, lemba la 1 Ŵatesalonika 4:16, likuti: “Fumu yizamukhira kufuma kuchanya na ntchemerezgo yikuru, na mazgu  gha mungelo mukuru.” Apa mazgu gha Yesu ghakulongora kuti nga mungelo mulara. Lemba ili likulongora kuti Yesu ni Mikayeli, mungelo mulara.

Mulongozgi wa Ŵasilikari. Baibolo likuti “Mikayeli na ŵangelo ŵake ŵakarwanga na chinjoka . . . na ŵangelo ŵake.” (Chivumbuzi 12:7) Lemba ili likulongora kuti Mikayeli ni Mulongozgi wa gulu la ŵangelo ŵakugomezgeka. Buku la Chivumbuzi likulongosora kuti Yesu ni Mulongozgi wa ŵasilikari ŵakugomezgeka. Ŵasilikari aŵa, mbangelo. (Chivumbuzi 19:14-16) Kweniso mpositole Paulosi wakayowoya za “Fumu Yesu” na “ŵangelo ŵake ŵankhongono.” (2 Ŵatesalonika 1:7) Baibolo likulongosora za Mikayeli na “ŵangelo ŵake” kweniso Yesu na “ŵangelo ŵake.” (Mateyu 13:41; 24:31; 1 Petrosi 3:22) Palije apo Baibolo likuyowoya kuti kuchanya kuli magulu ghaŵiri gha ŵangelo ŵakugomezgeka, gulu la Mikayeli ndipo linyake la Yesu. Ipo ntchakupulikikwa kuyowoya kuti Mikayeli ni zina ilo Yesu Khristu wakumanyikwa nalo kuchanya. *

^ ndime 1 Fundo zinyake izo zikulongora kuti Mikayeli ni Mwana wa Chiuta, zili mu buku la Kukambitsirana za m’Malemba peji 432-433 na Insight on the Scriptures, Buku 2, peji, 393-394, ghakupharazgika na Ŵakaboni ŵa Yehova.