Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Kasi Baibolo Likusambizgachi Chomenechomene?

Kasi Chiuta Wakakhumbanga Kuti Vinthu Viŵe Nthena?

Kasi Chiuta Wakakhumbanga Kuti Vinthu Viŵe Nthena?

PARA mukuŵerenga nyuzipepara, kuwonelera TV, panji kupulikizga wayilesi, pakuŵa nkhani zinandi zakukhwaskana na kuswa malango, nkhondo, na uchigeŵenga. Masuzgo ndigho tikuyowoya yayi. Panji mukusuzgika maghanoghano chifukwa chakuti uyo mukumutemwa wakulwara panji wafwa. Namwe mungajipulika nga ni Yobu, uyo wakayowoya kuti “nazura na soni na visuzgo.”Yobu 10:15.

Jifumbani kuti:

  • Kasi Chiuta wakakhumbanga kuti ivi ndivyo vinichitikirenge, kweniso ŵanthu wose?

  • Ntchivichi icho chinganovwira kuti masuzgo ghane ghamare?

  • Kasi pa charu chapasi tizamuŵapo na mtende?

Baibolo likuzgora makora mafumbo agha.

 BAIBOLO LIKUTI CHIUTA WAZAMUCHITA VINTHU IVI PA CHARU.

“Wazamufyura masozi ghose ku maso ghawo, ndipo nyifwa yizamu ŵakoso yayi. Kuzamuŵavya kutengera panji kulira, kutampha nesi vyakuŵinya.”Chivumbuzi 21:4

“Ŵakupendera ŵazamudukaduka nga ni mbaŵala.”—Yesaya 35:6

“Maso gha ŵachibulumutira ghazamujulika.”—Yesaya 35:5

 ‘Wose awo ŵali mu madindi. . . ŵazamufumira kuwaro.’Yohane 5:28, 29

“Pazamuŵavya munthu wakukhala mu charu uyo wazamuti: ‘Nalwara.’”Yesaya 33:24

“Muzamuŵa vyakurya vinandi mu charu”Salimo 72:16

 PINDURANI NA IVYO BAIBOLO LIKUSAMBIZGA

Lekani kususka luŵiro kuti ivyo vyalembeka pa peji 4 na 5 vingazakachitika yayi. Chiuta wali kulayizga kuti wazamuchita vinthu ivi, ndipo Baibolo likulongosora umo wazamuchitira.

Baibolo lingamovwirani mu nthowa zinandi. Likulongosora icho chingamovwirani kuti muŵe ŵakukondwa nanga ni sono nthena. Ghanaghanirani pachoko waka ivyo mukusuzgika navyo maghanoghano kweniso masuzgo ghinu. Mungaŵa kuti mukusuzgika na ukavu, masuzgo gha mu banja, ulwari, panji nyifwa ya wakutemweka winu. Baibolo lingamovwirani umo mungachitira na masuzgo agha. Kweniso lingamuzgorani mafumbo agha:

  • Chifukwa wuli tikusuzgika?

  • Kasi ntchivichi chingatovwira kuti tizizipizge masuzgo?

  • Kasi tingachita wuli kuti banja lithu liŵe lakukondwa?

  • Kasi chikuchitika ntchivichi para munthu wafwa?

  • Kasi awo ŵali kufwa tizamuŵawonaso?

  • Kasi ntchivichi chingatovwira kuti tigomezge kuti Chiuta wazamuchita ivyo wali kulayizga?

 Pakuti mukuŵazga buku ili, mwalongora kuti mukukhumba kumanya ivyo Baibolo likusambizga. Buku ili limovwiraninge chomene. Muwonenge kuti ndime zili na mafumbo pasi pake. Ŵanthu ŵanandi awo ŵakusambira Baibolo na Ŵakaboni ŵa Yehova ŵawona kuti pakusambira ntchiwemi chomene kufumbana mafumbo na kuzgora. Tikugomezga kuti namwe muyitemwenge nthowa iyi. Yehova wamutumbikeni apo musambirenge ivyo Baibolo likusambizga.