Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova 2016

 VINTHU VYAKUKONDWESKA MU 2015

Nyumba za Ufumu Zikwenera Kuzengeka Luŵiro

Nyumba za Ufumu Zikwenera Kuzengeka Luŵiro

NTCHAKUKONDWESKA chomene kuwona kuti pa charu chose, Yehova wakuguza ŵanthu mwaluŵiro chomene kuti ŵize mu chisopa chaunenesko. (Yes. 60:22) Ntheura Nyumba za Ufumu zinandi zikukhumbikwa. Pa charu chose, Nyumba za Ufumu zakujumpha 13,000 zikwenera kuzengeka panji kunozgeka.

Kuti ntchito iyi yende mwaluŵiro kweniso kuti paleke kunjira ndalama zinandi, Wupu Wakulongozga wasintha vinthu vinyake mu madipatimenti ghakupambanapambana gha vyakuzenga. Dipatimenti Yakulemba Mapulani na Kuzenga ya pa charu chose iyo yapangika sonosono ku Brooklyn, New York, yikulimbikira chomene ntchito ya kuzenga  na kunozga Nyumba za Ufumu pa charu chose. Ndipo yikuwoneseska kuti ntchito iyi yikuchitika mwaluŵiro chomene. Dipatimenti Yakulemba Mapulani na Kuzenga ku Australasia, Central Europe, South Africa, na United States, yikuwoneseska kuti ntchito ya kuzenga Nyumba za Ufumu mu vyaru ivyo yikulaŵilira yikwenda mwaluŵiro kweniso kwambura kunanga ndalama zinandi. Dipatimenti iyi yikusambizgaso minthavi ya mu vyaru ivyo yikulaŵilira umo yingapwelelera Nyumba za Ufumu. Pa munthavi uliwose Dipatimenti Yakulemba Mapulani na Kuzenga, yikulaŵilira ntchito ya kuzenga na kunozga Nyumba za Ufumu na Malo gha Ungano.

Mu Janyuwale 2015, ŵalara wose ku United States ŵakaŵa na ungano uwo ukayowoya za ndondomeko yiphya ya umo ŵangapangira mapulani, kuzenga, na kunozga Nyumba za Ufumu. Wonani ivyo ŵakasambira.

  • Vyakuzenga: Mapulani gha Nyumba ya Ufumu na vinthu vyakuzengera vikwenera kuyana na ku malo uko. Kweniso vikwenera kukolerana na ulongozgi wakufuma ku Komiti Yakusindikizga ya Wupu Wakulongozga. Nyumba za Ufumu zikwenera kuzengeka mu nthowa yakuti zileke kunangika luŵiro, zakukhora, zakuwoneka makora, kweniso zambura kurya ndalama zinandi.

  • Kunozga: Mpingo uŵenge na ŵabali ŵakujipeleka awo ŵasambizgikenge umo ŵangapwelelera Nyumba ya Ufumu kuti yilutilire kuwoneka makora.

Mbunenesko kuti ntchito ya kuzenga na kunozga Nyumba za Ufumu njikuru chomene. Kweni yichitikenge mwaluŵiro chifukwa ŵanthu ŵa Chiuta mbakukolerana. Kweniso yichitikenge mu nthowa yakuti paleke kunjira ndalama zinandi.

Manyani Vinandi

Ŵakaboni ŵa Yehova Ŵakuzenga Kulikose pa Charu Chapasi

Ŵanthu ŵa Yehova ŵakuzenga kulikose malo ghakusoperapo, Nyumba za Ufumu na vinyake nangauli ŵakupambana mitheto, na viyowoyero. Ŵakuchita vyose ivi kuchindika Yehova

Kuzenga Nyumba za Ufumu ku Vigaŵa Vyakutali

Wonani umo magulu 5 ghakazengera Nyumba za Ufumu ziŵiri mu mazuŵa 28.