Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova 2016

 INDONESIA

Wakawonanga Usambazi Wauzimu Kuŵa Wakuzirwa Chomene

Thio Seng Bie

Wakawonanga Usambazi Wauzimu Kuŵa Wakuzirwa Chomene
  • WAKABABIKA MU 1906

  • WAKABATIZIKA MU 1937

  • MBIRI YAKE Wakaŵa mulara wakugomezgeka uyo wakazizipizga suzgo la kusankhana mitundu.—Yakuyowoyeka na mwana wake msungwana, Thio Sioe Nio.

MU Meyi 1963, pakawuka viwawa ivyo vikathandazgika mu tawuni yose ya West Java. Ŵanthu ŵakawukira ŵanthu ŵa ku China. Tawuni ya Sukabumi ndiyo yikakhwaskika chomene. Mu tawuni iyi ndimo banja lakwithu likachitanga bizinesi yakupelekera katundu mu malo ghakupambanapambana. Chigulu cha ŵanthu chikathilimukira ku nyumba yithu. Pa gulu ili pakaŵaso ŵazengezgani ŵithu. Tikachita wofi chomene apo gulu ili likaswa nyumba yithu na kutora katundu yose.

Gulu ili likati laluta, ŵazengezgani ŵithu ŵanyake ŵakiza kuzakatipembuzga. Adada ŵakanjira nawo mu nyumba na kukhala nawo pa balaza. Pa katundu uyo gulu lira likataya bwekabweka, adada ŵakasangapo Baibolo lawo la chiyowoyero cha Sundani. Ŵakajura Baibolo na kuŵaphalira kuti Baibolo likayowoyerathu masuzgo ghose agha. Pamasinda, ŵakalongosora viwemi ivyo tizamusanga mu Ufumu wa Chiuta.

Adada ŵakaŵikanga mtima pa kujiwunjikira usambazi pano pa charu yayi. Kanandi ŵakatikumbuskanga kuti: “Vinthu vyauzimu ndivyo vikwenera kuŵa pakwamba!” Tikuwonga chomene adada chifukwa cha kulimbikira kwawo. Ivi vikawovwira kuti amama, taŵana 6, asekuru ŵa vyaka 90, ŵabali kweniso ŵazengezgani ŵithu ŵanandi ŵamanye unenesko.