Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova 2016

 INDONESIA

Nthowa Izo Ŵakapharazgiranga Kale

Nthowa Izo Ŵakapharazgiranga Kale

Upharazgi wa pa Wayilesi

MU 1933, ŵabali ŵakanozga vyakuti wayilesi mu tawuni ya Jakarta yipharazgenge nkhani za mu Chingelezi izo Mubali Rutherford wakayowoyanga. Nkhani zinyake uyo wakaŵerenganga mu chiyowoyero cha Chidachi ni munthu uyo wakakhumbanga kusambira unenesko. Ŵanthu ŵanandi ŵakakhumbanga kumanya unenesko chifukwa cha nkhani izo zikapharazgikanga. Nkhani izi zikawovwira kuti ŵabali ŵagaŵire mabuku ghanandi mu uteŵeti.

Nkhani ya Mubali Rutherford, iyo yikayowoyanga ivyo vichitikenge mu chaka icho Ŵakatolika ŵakatenge ntchituŵa, yikati yayowoyeka pa wayilesi, yikakwiyiska chomene ŵalara ŵa tchalitchi la Katolika. * Ŵalaraŵalara aŵa ŵakapangiska kuti mubali De Schumaker wakakike na kumupa mulandu wakuti ‘ni mutesi, ngwakunyoza, kweniso ngwakuwukira.’ Ŵalaraŵalara aŵa ŵakachita nthena chifukwa mubali uyu ndiyo wakanozga vyakuti nkhani iyi yipharazgike pa wayilesi. Mubali De Schumaker wakawukana mulandu uwu kweni khoti likamulipiska ndalama. * Mulandu uwu ŵakawulemba mu manyuzipepara ghakutchuka ghatatu, ndipo ivi vikawovwira kuti ŵanandi ŵapulike unenesko.

 Boti la Ŵakunyamura Ungweru

Pa Julayi 15, 1935, boti la Watch Tower Society lakuchemeka kuti Ŵakunyamura Ungweru likafika ku Jakarta. Boti ili likaŵa la mamita 16, ndipo likenda myezi 6 kufuma ku Sydney, Australia. Mu boti ili mukaŵa ŵapayiniya 7 ŵakulimbikira kupharazga ndipo ŵakakhumbanga kupharazga makani ghawemi mu charu chose cha Indonesia, Singapore, na Malaysia.

 Mu vyaka vyakujumpha viŵiri, ŵapayiniya aŵa ŵakafika mu madowoko ghakuru na ghachoko gha ku Indonesia, ndipo ŵakagaŵira ŵanthu mabuku na magazini ghanandi. Jean Deschamp wakati, para boti ili lafika pa dowoko lichoko lililose, ŵapayiniya aŵa ŵakajuranga chigilamu ndipo chikalikitanga nkhani za mbale J.F. Rutherford, uyo panyengo iyo wakaŵa pulezidenti wa Watch Tower Society. Ghanaghanirani waka umo ŵanthu ŵakukhala mu mizi yapafupi na dowoko ŵakazizwira kuwona chiboti chikuru chafika pa dowoko lawo na kupulika mazgu ghankhongono kufuma mu boti ili. Ŵanthu ŵakazizikika chomene, ŵakaŵa nga ŵakulota.

Ŵalara ŵa visopa ŵakakwiya chomene na upharazgi wa ŵapayiniya aŵa. Ndipo ŵakachichizga boma kuti likanizge boti la Ŵakunyamura Ungweru kuti lileke kwiza ku madowoko gha ku Indonesia. Mu Disembala 1937, boti ili likawelera ku Australia, kweni ŵanthu ku Indonesia ŵakaŵa kuti ŵapulika makani ghawemi.

Awo ŵakaŵa mu boti la Ŵakunyamura Ungweru

^ ndime 2 Nkhani ya Mubali Rutherford yikavumbura kuti Ŵakatolika ŵakasopanga mwaupusikizgi, ŵakachitanga ndyali, kweniso ŵakachitanga malonda ghaupusikizgi.

^ ndime 2 Ndalama izi mazuŵa ghano ni pafupifupi madola 300 (U.S.).