Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova 2016

 INDONESIA

Ofesi ya Munthavi Iyo Yili Kufupi na Mabingu

Ofesi ya Munthavi Iyo Yili Kufupi na Mabingu

Maofesi agho ghali pa nyumba yakudikanya ya nambara 31

Mu 2008, ku Indonesia kukaŵa ŵapharazgi 21,699. Ofesi ya munthavi yikaŵavya malo ghakukwana. Kweniso chifukwa chakuti yikazengeka mu nyengo ya bani, yikaŵa kutali  chomene na tawuni ya Jakarta. Pa chifukwa ichi, pakakhumbikwanga ofesi ya munthavi yikuru kufupi na Jakarta.

Pati pajumpha vyaka viŵiri, ŵabali ŵakagura nyumba mu tawuni ya Jakarta. Yikaŵa yakudikanya nyumba 42. Kweni ŵabali ŵakagura nyumba yose ya nambara 31. Yikaŵa yakupambana chomene na ofesi ya munthavi yakale ndipo yikaŵa yiwemi chomene. Pamanyuma ŵakaguraso nyumba yapafupi yakudikanya nyumba 12, kuti mukhalenge ŵabali ŵakujumpha 80 ŵakuteŵetera pa Beteli. Ŵakaguraso nyumba yakudikanya kankhondi kuti muŵe maofesi gha Beteli.

Nyumba zakudikanya 12 izo mukukhala awo ŵakuteŵetera pa Beteli

Gulu la ŵabali ŵakuzenga kufuma mu vyaru vyakupambanapambana, ŵakiza kuti ŵawovwirane na ŵabali mu charu ichi kuti ŵanozge maofesi na nyumba zakukhalamo ŵabali. Darren Berg uyo wakalaŵiliranga ntchito iyi, wakati: “Yehova wakatovwira kanandi waka pa masuzgo agho ghakaŵapo. Tikakhumbanga kuti tiŵike mashini ghakusuja maji kweni ŵaboma ŵakakana chifukwa ivi vikaŵa vyachilendo mu charu ichi. Mubali munyake uyo wakumanya vya mashini wakaluta na nkhani iyi kwa mulara munyake wa boma. Mwaluŵiro mulara uyu wakazomerezga pempho lithu. Wakati wakugomezga kuti ŵabali ŵachitenge nadi ivyo ŵapempha.”

“Tiliso pa malo ghakubisika yayi. Ŵanthu sono ŵakuŵamanya Ŵakaboni ŵa Yehova. Ŵakuwona kuti takhazikika.”

Maofesi ghaphya ghakapelekeka kwa Yehova pa Febuluwale 14, 2015. Anthony Morris III wa mu Wupu Wakulongozga, ndiyo wakayowoya nkhani yakupeleka maofesi kwa Yehova. Vincent Witanto Ipikkusuma uyo wali mu Komiti ya Munthavi, wakati: “Sono tili pakati pa malo agho ngakumanyikwa chomene mu Indonesia. Tiliso pa malo ghakubisika yayi.  Ŵanthu sono ŵakuŵamanya Ŵakaboni ŵa Yehova. Ŵakuwona kuti takhazikika.”

Ŵa mu Komiti ya Munthavi, kufuma kumazere kuya kumalyero: Budi Sentosa Lim, Vincent Witanto Ipikkusuma, Lothar Mihank, Hideyuki Motoi

“Vikunozga Kupharazga Kuno”

Mu vyaka vya sonosono, Ŵakaboni ŵanandi kufuma mu vyaru vyakupambanapambana ŵasamukira ku Indonesia. Lothar Mihank wakati: “Ŵabali awo ŵakusamukira mu vyaru nga ni vinthu, umo mukukhumbikwa ŵapharazgi ŵanandi, ŵakuchita ntchito yikuru chomene. Ŵabali aŵa ŵakumanya tunandi, mbakukhwima mwauzimu, ŵakukhozga mipingo iyo ŵakuwunganako, kweniso ŵakovwira kuti tiwonenge kuti tili paubali pa charu chose.” Ntchivichi chikaŵatuma kuti ŵasame? Ndipo vinthu vikuŵayendera wuli uko ŵasamira? Wonani ivyo ŵanyake ŵayowoyapo.

Awo Ŵakuteŵetera Uko Kukukhumbikwa Ŵapharazgi Ŵanandi

1. Janine na Dan Moore

2. Mandy na Stuart Williams

3. Casey na Jason Gibbs

4. Mari (panthazi) na Takahiro Akiyama (pamanyuma)

Jason na Casey Gibbs awo ŵali kufuma ku United States, ŵakati: “Tikati tawona chiŵelengero cha ŵanthu mu Buku Lapachaka, tikawona kuti charu cha Indonesia ntchimoza mwa vyaru ivyo vili na ŵanthu ŵanandi chomene pa charu chose chapasi kweni kuli Ŵakaboni ŵachoko chomene. Ŵanthu ŵanyake awo ŵakaŵa ku malo uko kukukhumbikwira ŵapharazgi ŵanandi, ŵakatiphalira kuti ŵanthu ŵanandi ŵangasambira unenesko ku Indonesia. Ntheura tikayimbira  foni ku ofesi ya munthavi ku Indonesia, ndipo ŵakatituma ku Bali. Gawo la Chingelezi ku Indonesia likaŵa kuti lamba waka, ntheura tikawona kuti tamwamba kupharazga nyengo yeneyiyo. Tikanozgekera kuti tizamukhalako chaka chimoza, kweni takhala vyaka vitatu. Ŵanthu ŵanandi awo tikuŵapharazgira ŵandapulikepo vya Ŵakaboni ŵa Yehova. Uteŵeti ukunozga chomene kuno.”

Stuart na Mandy Williams, awo ŵali na vyaka vyapakati pa 40 na 60 ndipo ŵali kufuma ku Australia, ŵakati: “Tikakhumbanga kusanga ŵanthu awo ŵali na njara yakukhumba kumanya unenesko. Ntheura tikasamira ku Indonesia. Ku Malang, East Java, takumana na ŵana ŵa sukulu ŵanandi ŵa ku Yunivesite awo ŵakuyowoya Chingelezi ndipo ŵakukhumba chomene kupulika makani ghawemi. Ŵakutemwaso chomene webusayiti yithu ya jw.org. Ntchito yakupharazga kuno, yikukondweska chomene.”

Takahiro na Mari Akiyama, awo ŵakuchita upayiniya ku Yog-yakarta, pa chirwa cha Java, ŵakati: “Kuno tikuwona kuti tili ŵakuvikilirika kuluska kukaya ku Japan. Ŵanthu mbalusungu ndiposo ŵantchindi. Ŵanthu ŵanandi, chomenechomene ŵana, mbakunweka chomene na visopa vinyake. Zuŵa linyake apo tikayala mabuku ku malo uko kukusangika ŵanthu ŵanandi, tikagaŵira pafupifupi magazini 2,600 mu maora 5 pera.”

Dan na Janine Moore, awo mbakutorana ŵa vyaka vya m’ma 50, ŵakati: “Para tikupharazga, ŵanthu ŵakutiwungilira. Tikumwemwetera, ndipo nawo ŵakumwemweteraso. Ŵakukhumba kumanya ivyo tikupharazga. Para taŵapharazgira, ŵakunweka chomene, ndipo ŵakuŵa ŵakukondwa. Para taŵalongora fundo yinyake mu Baibolo, ŵanyake ŵakuyowoya kuti. ‘Kasi ningalemba vesi ili?’ Ŵakuzizwa chomene na vinjeru ivyo vili mu Baibolo. Takhala kuno chaka chimoza, ndipo tikuwona kuti tikachedwa kwiza. Tikakhumbanga malo agho ŵanthu ŵanandi ŵandapulikepo vya Yehova. Ndipo sono taghasanga nadi.”

 Misja na Kristina Beerens ŵakiza nga mbamishonale mu 2009 ndipo pasono ŵakwendera dera. Iwo ŵakati: “Nanga nkhu Chirwa cha Madura ku East Java, uko ŵanthu ŵanandi Mbasilamu, ŵakutegherezga chomene uthenga withu. Ŵanthu ŵakuyimika magalimoto ghawo na kupempha magazini. Ŵakuti: ‘Ndine Musilamu, kweni nkhutemwa kuŵerenga magazini ghinu. Kasi muli na ghanandi kuti nkhapeko ŵanyane?’ Vikunozga kupharazga kuno.”

Vuna Njinandi

Mu 1931, apo Frank Rice wakafikanga ku Jakarta, ku Indonesia kukaŵa ŵanthu 60,000,000. Pasono kuli ŵanthu pafupifupi 260,000,000. Charu cha Indonesia chili pa nambara 4 pa vyaru ivyo vili na ŵanthu ŵanandi chomene pa charu chose chapasi.

 Chiŵelengero cha Ŵakaboni ŵa Yehova nacho chakwera chomene ku Indonesia. Nkhondo Yachiŵiri ya Charu Chose yikapangiska kuti ku Indonesia kuŵe ŵapharazgi 10 mu 1946. Pasono ku Indonesia kuli ŵapharazgi ŵakujumpha 26,000. Uwu mbukaboni wakuti Yehova wakutumbika ntchito yithu. Ndipo ŵanthu 55,864 ŵakiza pa Chikumbusko mu chaka cha 2015. Ivi vikulongora kuti chiŵelengero chikwerenge.

Yesu wakati: “Nadi, vuna njinandi chomene, kweni ŵantchito mbachoko. Ntheura lombani Mwenecho wa vuna kuti watume ŵantchito ku vuna yake.” (Mat. 9:37, 38) Ŵateŵeti ŵa Yehova ku Indonesia, ŵakuzomerezga mazgu agho Yesu wakayowoya. Ŵakulimbikira chomene kupharazga ku chirwa ichi, kuti ŵachindike zina la Yehova.—Yes. 24:15.

Manyani Vinandi

Kasi Vikwenda Wuli Pakulemba na Kung’anamura Mabuku gha Ŵakaboni ŵa Yehova?

Tikupanga mabuku mu viyowoyero vyakujumpha 700. Chifukwa wuli tikuŵikapo mtima kuchita ntchito iyi?