Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova 2016

 INDONESIA

Yehova Wakatitumbika Kujumpha Umo Tikaghanaghaniranga

Angeragō Hia

Yehova Wakatitumbika Kujumpha Umo Tikaghanaghaniranga
  • WAKABABIKA MU 1957

  • WAKABATIZIKA MU 1997

  • IVYO WAKACHITA Wakawelera kukaya kwake ku Nias na kukawovwirapo pa kuzenga Nyumba ya Ufumu.

Mu 2013, mpingo withu ku Tugala Oyo uwo ukaŵa uchoko chomene, ukapulika nkhani yakukondweska chomene yakuti tiŵenge na Nyumba ya Ufumu yiphya. Ŵalara ŵaboma ŵakazomerezga kuti Nyumba ya Ufumu yizengeke. Ndipo ŵanthu ŵakukwana 60 awo ŵakaŵa Ŵakaboni yayi ŵakasayina chikalata cha kupempha boma kuti lizomerezge. Munthu munyake wakatiphalira kuti: “Para mukukhumba ŵanthu 200 ŵasayinepo pa chikalata chinu, napo vingachitika.”

Ŵabali ŵaŵiri ŵakumanya vyakuzenga, ŵakiza kuti ŵazakalaŵilire ntchito ya kuzenga Nyumba ya Ufumu yiphya. Nyumba ya Ufumu iyi yikamara kuzengeka mu 2014. Tikalotangapo yayi kuti mpingo withu ungaŵa na malo ghawemi ghakusoperapo. Yehova wakatitumbika nadi kujumpha umo tikaghanaghaniranga.