Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova 2016

 INDONESIA

Tikathera Yayi

Daniel Lokollo

Tikathera Yayi
  • WAKABABIKA MU 1965

  • WAKABATIZIKA MU 1986

  • MBIRI YAKE Wakaŵa mupayiniya wapadera uyo wakazizipizga mu nyengo ya suzgo.

PA Epulero 14, 1989, nkhachitiskanga ungano mu tawuni ya Maumere pa Chirwa cha Flores. Mwamabuchi, ŵapolisi ŵakanjira mu nyumba iyo nkhaŵa na kukaka ine na ŵanthu ŵanyake ŵatatu.

Ŵalaŵiliri ŵa jele ŵakatichichizganga kuti tigwadire ndembera. Tati takana, ŵakatitchaya na kutitimba vibakera kweniso ŵakatiyimiska pa zuŵa lakotcha chomene kwa mazuŵa 5. Tikagonanga pa simenti ndipo tikanjenjemeranga usiku chifukwa cha kuzizima. Tikafyenyananga mu tumaselo tuchoko, tikaŵa na malikho ndipo tikavukanga chomene, kweniso vilonda vikaŵinyanga chomene. Mulaŵiliri wa jele wakatichichizga kanandi waka kuti tithere, kweni tikakana. Tikamuzgora kuti, “Tizamugwadirapo yayi ndembera m’paka apo tizamufwira.” Nga umo ŵakachitira Ŵakhristu ŵanyithu kumanyuma, tikakondwa kuti ‘tikasuzgikanga chifukwa cha urunji.’—1 Pet. 3:14.

Manyani Vinandi

Kusindamira Ndembera, Kuvota, Ndiposo Kugwira Ntchito Zinyake za Boma nga Ntchilango

Kasi ni ulongozgi wuli wa mu Malemba uwo ungamovwirani kuti mulutilire kuŵa na njuŵi yituŵa pa nkhani izi?