Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova 2016

 INDONESIA

Gulu la Chisopa

Gulu la Chisopa

KUUMALIRO wa vyaka vya m’ma 1930, pakawuka gulu la chisopa ilo likamanyikwanga kuti Bibelkring (zina ili ndakufuma ku chiyowoyero cha Chidachi ndipo likung’anamura kuti “gulu la ŵasambiri ŵa Baibolo”). Gulu ili likaŵa kufupi na Nyanja ya Toba ku North Sumatra. Gulu ili likamba apo ŵasambizgi ŵakazomera mabuku agho Eric Ewins, uyo wakaŵa mupayiniya wakaŵagaŵira. Mupayiniya uyu wakapharazga mu chigaŵa cha Nyanja ya Toba mu 1936. Ivyo ŵasambizgi aŵa ŵakaŵerenga mu mabuku agha vikapangiska kuti ŵaleke tchalitchi lawo la Batak Protestanti na kupanga tumagulu kuti ŵasambirenge Baibolo pa nyumba. Magulu agha ghakakura chomene ndipo ghakaŵa na ŵanthu ŵanandi. *

Dame Simbolon, uyo kale wakaŵa membara wa Bibelkring, sono ni mudumbu

Chifukwa cha kuŵerenga mabuku agho mupayiniya uyu wakaŵalekera, ŵa Bibelkring ŵakamanya visambizgo vinandi vya mu Baibolo. Dame Simbolon, uyo kale wakakaŵa membara wa gulu ili ndipo wakasambira unenesko mu 1972, wakati: “Ŵakamba kukana kusindamira ndembera, kuchitako Khisimasi, na kukondwelera mazuŵa ghakubabikira. Ŵanyake ŵakapharazganga nyumba na nyumba. Kweni chifukwa chakuti ŵakaŵavya wovwiri kufuma ku gulu la Chiuta, magulu agha ghakamba kusambizga maghanoghano gha ŵanthu.” Limeria Nadapdap, uyo kale wakaŵa membara wa gulu ili kweni sono ni mudumbu, wakati: “Ŵanakazi ŵakazomerezgekanga yayi kuphaka vyakuphakaphaka, kuvwara majuda, masitayelo ghaphya, panji skapato. Kweniso waliyose wakakanizgikanga kutora ID ku boma, ndipo ichi chikakwiyiska chomene ŵalara ŵa boma.”

Gulu la Bibelkring likagaŵikana ndipo nyengo yikati yajumphapo likamara. Ŵapayiniya ŵati ŵizaso mu chigaŵa cha Nyanja ya Toba, ŵanandi awo kumanyuma ŵakaŵa mu gulu la Bibelkring ŵakazomera unenesko.

^ ndime 1 Maukaboni ghanyake ghakulongora kuti gulu la Bibelkring likaŵa na ŵanthu masauzandi ghanandi.