Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Buku Lapachaka la Ŵakaboni ŵa Yehova 2016

 INDONESIA

Tikapulikira Ulongozgi Ndipo Tikapona

Blasius da Gomes

Tikapulikira Ulongozgi Ndipo Tikapona
  • WAKABABIKA MU 1963

  • WAKABATIZIKA MU 1995

  • MBIRI YAKE Mulara wachitemwa uyo wakawovwira ŵabali mu nyengo iyo visopa vikayambananga ku Ambon. Malo agha ntchigaŵa cha Chirwa cha Maluku.

PA Janyuwale 19, 1999, pakawuka viwawa pakati pa Ŵasilamu na Ŵakhristu ndipo ŵakayamba kutimbana. Kufuma pa nyumba yane kufika apo pakachitikiranga viwawa ivi, pakaŵa pafupifupi makilomita ghatatu. Nyengo iyi yikaŵa yiheni chomene. *

Nati nawona kuti banja lane ndakuvikilirika, nkhayimbira foni ŵabali ŵanyake kuti nimanye usange ŵali makora. Nkhaŵaphalira kuti ŵakwenera kukhazika mtima pasi ndipo ŵaleke kuluta ku malo uko ŵanthu ŵakatimbananga. Pamanyuma, ŵalara ŵakendera ŵabali na kuŵakhozga mwauzimu ndiposo kuŵachiska kuti ŵalutilire kuwungana mu tumagulu.

Ofesi ya munthavi yikatiphalira kuti tiphalire ŵabali awo ŵakakhalanga ku malo uko ŵanthu ŵakatimbananga kuti ŵawukeko. Ntheura tikatuma uthenga ku mabanja ghanandi agho ghakakhalanga ku malo agha. Mubali munyake uyo wakakana kuwukako ku malo agha, ŵakamukoma na futi. Kweni waliyose uyo wakapulikira ulongozgi wakufuma ku ofesi ya munthavi wakapona.

^ ndime 1 Kutimbana kukatora vyaka vyakujumpha viŵiri mu chigaŵa chose cha Maluku. Ndipo ŵanthu ŵanandi ŵakachimbira mu nyumba zawo.