Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Kabuku ka Uteŵeti na Umoyo Wachikhristu  |  November 2017

 UMOYO WACHIKHRISTU

Ivyo Vingatovwira Kuti Tiŵe Ŵaluso mu Uteŵeti—Kupanga Maulendo Ghakuwelerako

Ivyo Vingatovwira Kuti Tiŵe Ŵaluso mu Uteŵeti—Kupanga Maulendo Ghakuwelerako

CHIFUKWA WULI NKHWAKUZIRWA?: Ŵanandi awo ŵakunweka na uthenga wa Ufumu ŵakuŵa kuti ŵakupenja unenesko wa Chiuta. (Yes 55:6) Tingaŵawovwira para tikuwelerako mwakuwerezgawerezga. Ŵanthu ŵakukumana na masuzgo ghakupambanapambana, nase tikwenera kuŵawovwira mu nthowa zakupambanapambana. Ndipouli kuti tiŵafikenge pamtima, tikwenera kunozgekera umo tingawovwilira waliyose payekha na chilato chakuti tambiske sambiro la Baibolo.

UMO TINGACHITIRA:

  • Muwelerengeko mwaluŵiro, panji para pajumpha mazuŵa ghachoko waka.—Mt 13:19

  • Ŵani ŵaubwezi, ŵantchindi, ndipo zikirani

  • Mutawuzgani mwachimwemwe. Yowoyani chifukwa icho mwiziraso. Muphalirani usange mukukhumba kuzgora fumbo, kumupa magazini ghaphya, kumulongora webusayiti yithu, kumuwoneska vidiyo, panji kumulongora umo tikusambilira Baibolo. Sinthani fundo para msambiri wakufipa mtima na nkhani yinyake.—Fil 2:4

  • Thilirani mbewu yaunenesko iyo yili kupandika mu mtima wake mwa kumuphalira ivyo Baibolo likuyowoya na kumulekera magazini. (1Ko 3:6) Yezgani kuŵa nayo paubwezi.

  • Panganani kuti muzakawereso