Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Kabuku ka Uteŵeti na Umoyo Wachikhristu  |  March 2017

 UMOYO WACHIKHRISTU

Wovwirani Mbumba Yinu Kukumbuka Yehova

Wovwirani Mbumba Yinu Kukumbuka Yehova

Yeremiya wakaphalirika kuti wachenjezge Ŵayuda kuti ŵaparanyikenge chifukwa ŵakaluwa Chiuta wawo, Yehova. (Yer 13:25) Kasi vikenda wuli kuti mtundu uwu uluwe Yehova? Mbumba za Ŵaisrayeli zikaleka kupulikira Yehova. Ntheura ŵakataya ubwezi wawo na Yehova. Ntchakuwonekerathu kuti mitu ya mbumba yikaleka kulondezga ulongozgi wa Yehova wa pa Dotoronome 6:5-7.

Mazuŵa ghano, mbumba izo zili paubwezi na Chiuta zikupanga mipingo yakukhora. Mitu ya mbumba yingawovwira kuti mbumba zawo zikumbukirenge Yehova para zikuŵa na Nyengo Yakusopera ya Mbumba yakukondweska na yakukhazikika. (Sa 22:27) Para mwawonelera vidiyo yakuti Mazgu Agha . . . Ghakhalenge mu Mtima Yinu”—Kufumba Mabanja, zgorani mafumbo agha:

  • Kasi mbumba zinyake zikuchita wuli na masuzgo agho ghakuŵapo pa Nyengo Yakusopera ya Mbumba?

  • Kasi pakuŵa vitumbiko wuli usange nyengo zose mbumba zikuŵa na Nyengo Yakusopera?

  • Pa nkhani ya Nyengo Yakusopera ya Mbumba, kasi nili na masuzgo wuli, ndipo ningachita wuli kuti nighamazge?