Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

UTEŴETI NA UMOYO WACHIKHRISTU–KABUKU KA MAUNGANO MARCH 2016

 UMOYO WACHIKHRISTU

Pokelerani Ŵalendo

Pokelerani Ŵalendo

Pa Malichi 23, tikukhazga kuti ku chikumbusko kwizenge ŵanthu ŵakujumpha 12 miliyoni. Pazamuyowoyeka nkhani iyo yizamovwira ŵanthu kumanya kuzirwa kwa sembe ya Yesu na vitumbiko ivyo ŵazamusanga chifukwa cha sembe iyi. (Yes 11:6-9; 35:5, 6; 65:21-23; Yoh 3:16) Kweni uyo wazamuyowoya nkhani ndiyo wazamuchitira ukaboni pera yayi. Tose tingazakachitira ukaboni para tingazakapokelera ŵalendo mwachitemwa. (Ro 15:7) Pasi apa pali ivyo tingazakachita.

  • M’malo mwa kukhala waka pa mpando na kulindilira kuti maungano ghayambe, pokelerani ŵalendo na ŵakulopwa ndipo ŵatawuzgani mwaubwezi

  • Tikwenera kupokelera waliyose uyo wiza ku chikumbusko, kwali tikumumanya panji yayi. Ŵapemphani ŵalendo kuti mukhale nawo pamoza. Muwonenge lumoza pa Baibolo na sumu yinu

  • Para nkhani yamara, mungamufumba usange wali na mafumbo. Usange mpingo winu ufumenge luŵiro kuti ulekere malo mpingo unyake, panganani kuti muzakadumbiskane kanyengo kanyake, kweni paleke kujumpha mazuŵa ghanandi. Para mulije nambara yake ya foni, mungayowoya kuti: “Ningatemwa kuti nimanye maghanoghano ghinu pa ivyo mwapulika pa ungano uno. Kasi tingasangana wuli?”