Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

UTEŴETI NA UMOYO WACHIKHRISTU–KABUKU KA MAUNGANO MARCH 2016

 UMOYO WACHIKHRISTU

Ŵakufwa Ŵazamuwuskika Chifukwa cha Sembe ya Yesu

Ŵakufwa Ŵazamuwuskika Chifukwa cha Sembe ya Yesu

Kukumbukira nyifwa ya Yesu kukutovwira kughanaghanira vitumbiko ivyo tizamusanga kunthazi chifukwa cha sembe ya Yesu. Chimoza mwa vitumbiko ivi ntchiwuka. Yehova wakatilenga kuti tifwenge yayi. Lekani vikutiŵinya chomene para mubali withu wafwa. (1Ko 15:26) Yesu nayo vikamuŵinya chomene kuwona ŵasambiri ŵake ŵakulira Lazaro wati wafwa. (Yoh 11:33-35) Pakuti mikhaliro ya Yesu yikuyana chomene na ya Awiske, vikutovwira kumanya kuti Yehova nayo vikumuŵinya chomene para wakutiwona tikulira chifukwa chakuti ŵabali ŵithu ŵafwa. (Yoh 14:7) Yehova ngwakukhumbisiska kuwuska ŵateŵeti ŵake, nakuti ndivyo nase tikukhumba.—Yob 14:14, 15.

Pakuti Yehova ni Chiuta wandondomeko, tikugomezga kuti chiwuka nacho chizamuchitika mwandondomeko. (1Ko 14:33, 40) Nyifwa yizamumara, ndipo tizamukondwa kupokelera awo ŵazamuwuka. Kasi mukughanaghanirapo zakuti kuli chiwuka, chomene para muli na chitima? (2Ko 4:17, 18) Kasi mukuwonga Yehova chifukwa chakutipa sembe, na kutivumbulira mu Malemba kuti ŵakufwa ŵazamuwuka?—2Ko 4:17, 18.

  • Kasi mbanjani awo imwe mukukhumba kuti muzakaŵawone kuti ŵawuka?

  • Kasi mbanjani awo ŵakuzunulika mu Baibolo awo mukukhumba kuti muzakakumane na kuchezga nawo?