Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Kabuku ka Uteŵeti na Umoyo Wachikhristu  |  June 2017

 UMOYO WACHIKHRISTU

Kasi Muli na Chipulikano mu Ivyo Yehova Walayizga?

Kasi Muli na Chipulikano mu Ivyo Yehova Walayizga?

Joshuwa na Solomoni ŵakakhorwa kuti palije lizgu la Yehova ilo lili kutondekapo. (Jos 23:14; 1Ma 8:56) Fundo izi zikutikhozga na kutovwira kuŵa na chipulikano chakukhora mwa Yehova.—2Ko 13:1; Tit 1:2.

Kasi Yehova wakafiska wuli ivyo wakalayizga mu nyengo ya Joshuwa? Nga ni mbumba, wonelerani vidiyo yakuti ‘Palije Lizgu Nanga Ndimoza Ilo Latondeka.’ Pamasinda zgorani mafumbo agha: (1) Kasi mungayezga wuli chipulikano cha Rahabi? (Heb 11:31; Yak 2:24-26) (2) Kasi nkhani ya Akani yikutovwira wuli kumanya uheni wakuleka kupulikira? (3) Chifukwa wuli Ŵagibiyoni awo nawo ŵakaŵa ŵasilikari ŵakamupusika Joshuwa na ŵakakolerana na Ŵaisrayeli? (4) Kasi mazgu gha Yehova ghakafiskika wuli apo mathemba ghankhondi gha Ŵaamori ŵakawofyanga Ŵaisrayeli? (Jos 10:5-14) (5) Kasi Yehova wamovwirani wuli chifukwa chakuti mukudangizga vya Ufumu?—Mt 6:33.

Chipulikano chithu chikhorenge para tikughanaghanira vyose ivyo Yehova wali kuchita na ivyo wachitenge.—Ro 8:31, 32.

Kasi namwe muli na chipulikano chakukhora nga ni Joshuwa?