Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Kabuku ka Uteŵeti na Umoyo Wachikhristu  |  June 2017

 MAZGU GHA CHIUTA MBUSAMBAZI | YEREMIYA 51-52

Chilichose Icho Yehova Wayowoya Chikufiskika

Chilichose Icho Yehova Wayowoya Chikufiskika

Yehova wakayowoyerathu ivyo vichitikenge munthazi

Mulinda wa mu nyumba ya themba ku Peresiya

‘Norani mivi’

51:11, 28

  • Ŵamedi na Ŵaperesiya ŵakamanyanga makora kuponya mivi ndipo ŵakathembanga chomene uta pakurwa nkhondo. Iwo ŵakanoranga mivi yawo kuti yikagwazenge chomene

“Vinkhara vya Babuloni vyaleka kurwa”

51:30

  • Pa libwe ilo pali kulembeka mbiri ya Nabonidus pali mazgu ghakuti: “Ŵasilikari ŵa Sayirasi ŵakanjira mu msumba wa Babuloni kwambura kurwa nkhondo.” Ichi chikulongora kuti pakaŵavya kulimbana kulikose, ndipo ivi vikukolerana na ivyo uchimi wa Yeremiya ukayowoya

Libwe ilo pali kulembeka mbiri ya Nabonidus

“Babuloni wazgokenge vibumira vyamalibwe [na malo] ghakupasuka muyirayira”

51:37, 62

  • Kwambira waka mu 539 B.C.E., uchindami wa Babuloni ukamba kumara. Alexander Mukuru wakayezga kuti Babuloni uŵe msumba ukuru, kweni wakafwa mwamabuchi. Mu nyengo ya Ŵakhristu ŵakwambira, Ŵayuda ŵanyake ŵakaŵa kuti ŵachali mu msumba uwu, lekani Petrosi wakaluta ku Babuloni. Kweni kuzakafika cha m’ma 300 C.E., msumba uwu ukaŵa kuti wapasukirathu

Kasi kufiskika kwa mauchimi gha mu Baibolo kukunikhozga wuli?

 

Kasi ningasambizga wuli ŵanji za uchimi uwu?