Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Kabuku ka Uteŵeti na Umoyo Wachikhristu  |  June 2017

 UMOYO WACHIKHRISTU

Kasi Mukukondwa Para Mukupharazga Makani Ghawemi

Kasi Mukukondwa Para Mukupharazga Makani Ghawemi

Kasi nyengo zinyake vikumusuzgani kupharazga? Taŵanandi tingazgora kuti enya. Chifukwa wuli? Panji ntchifukwa chakuti ŵanji ŵakunweka yayi na uthenga withu, tikusangana na ŵakususka panji tikopa kuyowoyeskana na ŵanthu ŵachilendo. Vinthu vyanthena ivi vingatipoka chimwemwe. Ndipouli, tikusopa Chiuta wachimwemwe uyo wakukhumba kuti tikondwenge para tikumuteŵetera. (Sa 100:2; 1Ti 1:11) Kasi ni vinthu wuli vitatu ivyo vingatovwira kuti tikondwenge para tikupharazga?

Chakwamba, tikupharazga uthenga uwo ukovwira ŵanthu kuŵa na chigomezgo. Mazuŵa ghano ŵanthu ŵanandi ŵalije chigomezgo, ntheura tikwenera kuŵawovwira na “makani ghawemi gha vinthu viwemi.” (Yes 52:7) Makani ghawemi gha Ufumu wa Chiuta ghakutovwiraso ise kuŵa ŵakukondwa. Pambere tindalute kukapharazga makani ghawemi agha, tikwenera kughanaghanira vitumbiko ivyo Ufumu wa Chiuta wiziskenge.

Chachiŵiri, uthenga uwo tikupharazga ukovwira ŵanthu mwakuthupi na mwauzimu wuwo. Ukuŵawovwira kuleka nkharo ziheni na kuŵa na chigomezgo cha umoyo wamuyirayira. (Yes 48:17, 18; Ro 1:16) Ntheura tikwenera kuŵikapo mtima pa ntchito yakuponoska umoyo iyi. Nangauli ŵanyake ŵakukana kuponoskeka, kweni tikulutilira kupenja awo ŵakukhumba kupona.—Mt 10:11-14.

Chachitatu, para tikupharazga tikuchindika Yehova. Ichi ntchakuzirwa chomene. Iyo wakuzirwiska chomene mulimo wakupharazga. (Yes 43:10; Heb 6:10) Kweniso Yehova wakutipa mzimu utuŵa uwo ukutovwira kufiska mulimo uwu. Ipo tikwenera kulomba mzimu uwu kuti utovwire kuŵa ŵachimwemwe. (Ga 5:22) Na wovwiri wa mzimu utuŵa, tingapharazga mwachikanga ndipo tingaleka kwenjerwa. (Mil 4:31) Paumaliro, tizamukondwa na mulimo wakupharazga kwali ŵanthu ŵakane panji yayi.—Eze 3:3.

Kasi imwe mukujipulika wuli para muli mu uteŵeti? Kasi mungalongora wuli kuti mukukondwa na mulimo uwu?

WONELERANI VIDIYO YA MUTU WAKUTI MUNGAŴASO ŴAKUKONDWA PARA MUKUSAMBIRA BAIBOLO NA KUGHANAGHANIRAPO, NA KUZGORA MAFUMBO AGHA:

  • Chifukwa wuli nyengo zose tikwenera kurya mwakukwana chakurya chauzimu nangauli tikutangwanika na ntchito yakupharazga mwezi uliwose?

  • Kasi tingamuyezga wuli Mariya?

  • Kasi mphawuli apo imwe mukughanaghanira Mazgu gha Chiuta?

  • Ntchivichi chikumukondweskani para mukupharazga makani ghawemi?