Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

UTEŴETI NA UMOYO WACHIKHRISTU–KABUKU KA MAUNGANO JUNE 2016

 MAZGU GHA CHIUTA MBUSAMBAZI | MASALIMO 34-37

Gomezgani Yehova na Kuchita Uwemi

Gomezgani Yehova na Kuchita Uwemi

‘Ungachitiranga sanji awo ŵakuchita ubendezi yayi’

37:1, 2

  • Lekani kutimbanizgika pakuteŵetera Yehova chifukwa cha kuwona kuti ŵanthu ŵaheni vinthu vikuŵayendera makora. Mtima winu uŵe pa vitumbiko ivyo Chiuta walayizga na kuchita ivyo iyo wakukhumba

‘Gomezgani Yehova na kuchita uwemi’

37:3

  • Gomezgani kuti Yehova wamovwiraninge para mwamba kukayika panji kwenjerwa. Wamovwiraninge kuti mulutilire kugomezgeka

  • Mutangwanikenge na ntchito ya kupharazga makani ghawemi gha Ufumu wa Chiuta

‘Mukondwenge chomene mwa Yehova’

37:4

  • Mupaturenge nyengo yakuŵazgira Mazgu gha Chiuta na kughanaghanirapo kuti mumumanye makora Yehova

‘Nthowa yinu muyipeleke kwa Yehova’

37:5, 6

  • Gomezgani kuti Yehova wamovwiraninge pa suzgo yiliyose

  • Chitani vinthu mwamahara para ŵanthu ŵakumususkani, kumutambuzgani, panji kumunenani

‘Khalani chete pamaso pa Yehova na kumulindilira mwakuzika’

37:7-9

  • Kuchimbilira yayi pakuchita vinthu, chifukwa vingamupokani chimwemwe na kumupwetekani mwauzimu

“Ŵakuzika ŵazamuhara charu chapasi”

37:10, 11

  • Penjani kuzika, ndipo lindilirani Yehova kuti wazakafumiskepo viheni vyose ivyo mukusuzgika navyo

  • Wovwirani Ŵakhristu ŵanyinu, ndipo pembuzgani awo ŵakusuzgika mu mtima kuti mu charu chiphya, icho Chiuta walayizga, vinthu vizamuŵa makora

Ufumu wa Mesiya wizenge na vitumbiko vinandi chomene