Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

UTEŴETI NA UMOYO WACHIKHRISTU–KABUKU KA MAUNGANO JANUARY 2016

 UMOYO WACHIKHRISTU

Tili na Mwaŵi Wakuzenga na Kupwelelera Malo ghakusoperapo

Tili na Mwaŵi Wakuzenga na Kupwelelera Malo ghakusoperapo

Ŵaisrayeli ŵakeneranga kulimbikira kweniso kupeleka ndalama kuti ŵazenge tempile. Ndipo ŵakazenga tempile na mtima wose. (1 Mid. 29:2-9; 2 Mid. 6:7, 8) Ŵaisrayeli ŵakati ŵamara kuzenga tempile, ŵakaŵa na mulimo wakulipwelelera. Umo ŵakawoneranga mulimo uwu, vikalongoranga usange ŵakalizirwiskanga nadi panji yayi. (2 Mathe. 22:3-6; 2 Mid. 28:24; 29:3) Mazuŵa ghano, Ŵakhristu ŵakumalira nyengo yinandi kweniso nkhongono pakuzenga na kupwelelera Nyumba za Ufumu na malo ghakuchitirapo maungano ghakuru. Tikuwonga chomene Yehova chifukwa cha kutovwira kuchitako uteŵeti wakupatulika uwu.—Sal. 127:1; Chivu. 7:15.

IVYO TIKWENERA KUCHITA

  • Kunozga pa Nyumba ya Ufumu nyengo zose para maungano ghamara. Para tingakwaniska yayi, tisore waka tuviswaswa uto tuli apo tangukhala

  • Kutozga na kunozga Nyumba ya Ufumu nyengo zose. Ntchito yikugwirika makora para muli ŵanandi.—lv peji 92-93 ndime 18.

  • Kupelekapo ndalama. Nanga tingapeleka “tundalama tuŵiri twakuzirwa pachoko,” kweni para tapeleka kufumira pasi pa mtima, Yehova wakukondwa.—Mrk. 12:41-44.

  • Kujipeleka pa kuzenga na kunozga malo ghakusoperapo para tingakwaniska, nanga tingaŵa kuti tikumanya yayi kuzenga.