Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

UTEŴETI NA UMOYO WACHIKHRISTU–KABUKU KA MAUNGANO FEBRUARY 2017

 UMOYO WACHIKHRISTU

Sekelerani mu Chigomezgo

Sekelerani mu Chigomezgo

Chigomezgo chili nga ni nyanguru. (Heb 6:19) Chikutovwira kuti tileke kubwangasuka mwauzimu para tasangana na chimphepo panji kuti masuzgo. (1Ti 1:18, 19) Chimphepo ichi nyengo zinyake chingaŵa maubudi ghithu, vinthu vyakuthupi ivyo taluza, kulwara nyengo yitali, nyifwa ya mubali withu panji chilichose icho chingatitondeska kuŵa wakugomezgeka.

Chipulikano na chigomezgo vikutovwira kuti tilaŵiskenge makora pa njombe iyo Chiuta walayizga. (2Ko 4:16-18; Heb 11:13, 26, 27) Ntheura kwali tili na chilindizga cha kuluta kuchanya panji yayi, tose nyengo zose tikwenera kulutilira kuŵa na chipulikano mwakughanaghanira ivyo Chiuta walayizga ivyo vili mu Baibolo. Ndipo para tasangana na suzgo, chingaŵa chipusu kulutilira kuŵa ŵakukondwa.—1Pe 1:6, 7.

WONELERANI VIDIYO YA MUTU WAKUTI SEKELERANI MU CHIGOMEZGO, NDIPO ZGORANI MAFUMBO AGHA:

  • Chifukwa wuli Mozesi ntchiyelezgero chiwemi kwa ise?

  • Kasi mitu ya mbumba yili na mulimo wuli?

  • Kasi ni nkhani wuli iyo mukuwona kuti mungasambira pa kusopa kwa mbumba?

  • Kasi chigomezgo chingamovwirani wuli para mwasangana na suzgo?

  • Kasi ntchivichi icho mukulindilira mwakunweka?