Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Kabuku ka Uteŵeti na Umoyo Wachikhristu  |  April 2017

 UMOYO WACHIKHRISTU

Ŵapokelerani Makora

Ŵapokelerani Makora

Mbanjani awo tikwenera kuŵapokelera makora? Wose awo ŵiza ku maungano ghithu, kwali ni awo nkhakwamba panji yayi. * (Ro 15:7; Heb 13:2) Wangaŵa Mkhristu munyithu uyo wafuma ku charu chinyake panji Mkhristu wakulopwa uyo wakhala nyengo yitali kwambura kuwungana. Kuti ndimwe, kasi mungajipulika wuli? Mungakondwa chomene usange ŵangamupokelerani makora. (Mt 7:12) Ipo ntchakuzirwa chomene kuŵa maso na kutawuzga ŵanji mwakukondwa pambere maungano ghandambe panji para ghamara. Ivi vikovwira kuti titemwanenge ndipo Yehova wakupika uchindami. (Mt 5:16) Nangauli vingachitika yayi kuti titawuzge waliyose uyo wiza pa maungano, kweni tikwenera kuyezgayezga kuti waliyose wajipulikenge kuti wapokelereka.

Nyengo zose tikwenera kupokelera ŵalendo, panyengo ya Chikumbusko pera yayi. Para ŵalendo ŵawona umo tikutemwerana, ŵangamba kulumba Chiuta na kumusopa mu unenesko.—Yoh 13:35.

^ ndime 3 Ndipouli, tikwenera kukumbuka kuti Baibolo likukana kuchezga na wakusezgeka panji uyo wali kujilekaniska nanga wangaŵa kuti wiza ku maungano.—1Ko 5:11; 2Yo 10.