Lutani apo pali nkhani

Lutani apo pali mitu ya nkhani

Vinyake

Ŵadumbu ŵakupharazga pa msika ku Sierra Leone

KABUKU KA UTEŴETI NA UMOYO WACHIKHRISTU December 2017

Umo Mungapharazgira

Umo Mungapharazgira na Wukani! kweniso umo mungalongosolera unenesko wa mu Baibolo wakukhwaskana na Nyifwa. Lembani masachizgo ghinu gha umo mungapharazgira.

MAZGU GHA CHIUTA MBUSAMBAZI

Penjani Yehova Pambere Zuŵa Lake la Ukali Lindafike

Kuti Yehova wazakatibise pa zuŵa lake la ukali, tikwenera kulutilira kumuteŵetera mwakugomezgeka. Tikweneraso kupulikira ulongozgi uwo Zefaniya wakapeleka ku Ŵaisrayeli

MAZGU GHA CHIUTA MBUSAMBAZI

‘Koleskani Munjilira wa Muyuda’

Mu mazuŵa ghaumaliro agha, ŵanthu ŵamitundu yose ŵaŵikapo mtima chomene kusopa Yehova na kovwira Ŵakhristu ŵakuphakazgika. Kasi ŵamberere zinyake ŵakovwira wuli ŵakuphakazgika?

UMOYO WACHIKRISTU

Ivyo Vingatovwira Kuti Tiŵe Ŵaluso mu Uteŵeti pharazgirani Waliyose mu Chigaŵa Chinu

Kasi tingachita wuli kuti tipharazgirenge waliyose mu chigaŵa chithu?

MAZGU GHA CHIUTA MBUSAMBAZI

Khalilirani mu “Dambo la Mapiri”

Kasi ‘dambo la mapiri’ likwimira vichi? Kasi ŵanthu ŵakuchimbilirako wuli ku dambo ili na kukhala kwenekuko?

UMOYO WACHIKHRISTU

Chigaŵa Chiphya mu Kabuku ka Maungano

Pakunozgekera maungano, wonani mazgu ghakulongosora mavesi, vithuzi na tumavidiyo kufuma pa Baibolo lakusambira la pa Intaneti la New World Translation of the Holy Scriptures. Ivi vimovwiraninge kuti mukhozge ubwezi winu na Yehova.

MAZGU GHA CHIUTA MBUSAMBAZI

Kasi Nthengwa Yinu Yikumukondweska Yehova?

Mu nyengo ya Malaki, Yehova wakapulikanga yayi kusopa kwa awo ŵakachitiranga nkhaza munyawo wamunthengwa. Kasi awo ŵali mu nthengwa mazuŵa ghano, ŵangachita wuli kuti ŵalutilire kugomezgeka?

UMOYO WACHIKHRITU

Kasi Chitemwa Chanadi Chikuŵa Wuli?

Yehova wakukhumba kuti nthengwa yingamaranga yayi. Wali kupeleka fundo izo zingawovwira Mkhristu kusankha makora wakutorana nayo kuti ŵazakaŵe na nthengwa yakukondwa.