Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

UTEŴETI NA UMOYO WACHIKHRISTU–KABUKU KA MAUNGANO DECEMBER 2016

 UMOYO WACHIKHRISTU

“Ndine Pano. Nitumani!”

“Ndine Pano. Nitumani!”

Yesaya wakaŵa munthu wakujipeleka. Nase tikwenera kuŵa nga ndiyo. Wakalongora chipulikano ndipo wakazomera mulimo nangauli wakamanyanga makora yayi umo mulimo wake wamuŵira. (Yes 6:8) Kasi namwe mungasintha vinthu vinyake kuti mukateŵetere ku malo ghakusoŵa uko kukukhumbikwa ŵapharazgi ŵanandi? (Sa 110:3) Ntchiwemi nadi kuchita nthena. Kweni munthu wakwenera “kupendesera mtengo” pambere wandasame. (Lu 14:27, 28) Ndipouli, munthu wakwenera kujipata kuti wachite mwakukwana mulimo wakupharazga. (Mt 8:20; Mr 10:28-30) Nga umo tawonera mu vidiyo ya mutu wakuti Kukateŵetera uko Kukukhumbikwira Ŵapharazgi Ŵanandi, Yehova wakuŵatumbika chomene ŵanthu awo ŵachita nthena.

ZGORANI MAFUMBO AGHA PARA MWAWONELERA VIDIYO:

  • Kasi banja la Mubali William likajinora vichi kuti likateŵetere ku Ecuador?

  • Kasi ni vinthu wuli ivyo ŵakaghanaghanirapo apo ŵakasankhanga uko ŵamuteŵetera?

  • Kasi ŵakatumbikika wuli?

  • Kasi mungachita wuli kuti mumanye uko kukukhumbikwa wovwiri pa nkhani ya kupharazga?

PA NYENGO YAKUSOPA KWA MBUMBA DUMBISKANANI MAFUMBO AGHA:

  • Kasi tingasazgirako wuli uteŵeti withu nga ni banja? (km 8/11 peji 4-6)

  • Usange tingakwaniska yayi kusamukira uko kukukhumbikwira wovwiri, kasi tingachita wuli kuti tilutilire kovwira mpingo uwo tikuwunganamo? (w16.03 peji 23-25)