Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

 FUMBO 6

Kasi Baibolo Likayowoyachi vya Mesiya?

IVYO LIKAYOWOYA

“Iwe, Betelehemu Efurata, . . . mwa iwe muzamufuma uyo wazamuŵa muwusi wa Israyeli.”

Mika 5:2

KUFISKIKA KWAKE

“Yesu wakati wababika mu Betelehemu wa Yudeya mu mazuŵa gha Themba Herode, wonani! ŵakumanya vya nyenyezi ŵakumafumiro gha dazi ŵakiza ku Yerusalemu.”

Mateyu 2:1

IVYO LIKAYOWOYA

“Ŵakugaŵana malaya ghane, ŵakuchita mphenduzga pa chakuvwara chane.”

Salimo 22:18

KUFISKIKA KWAKE

“Sono ŵasilikari ŵakati ŵamukhoma Yesu pa khuni, ŵakatora malaya ghake ghakuwaro na kughagaŵa panayi . . . Ŵakatoraso laya lake lamukati, kweni laya ili likaŵa lambura musono, pakuti likalukika kufuma pachanya m’paka musi. Ntheura ŵakadumbiskana kuti: ‘Tingalipaluranga yayi, kweni tiyeni tichite mphenduzga kuti tiwone uyo liŵenge lake.’”

Yohane 19:23, 24

 IVYO LIKAYOWOYA

“Wakusunga viwangwa vyake vyose. Palije na chimoza icho chaphyokapo.”

Salimo 34:20

KUFISKIKA KWAKE

“Ŵati ŵafika pa Yesu, ŵakawona kuti wafwa kale ntheura ŵakaphyora chara malundi ghake.”

Yohane 19:33

IVYO LIKAYOWOYA

“Wakalasika chifukwa cha maubudi ghithu.”

Yesaya 53:5

KUFISKIKA KWAKE

“Yumoza wa ŵasilikari wakamuvotora mu mbambo na mkondo, ndipo nyengo yeneyiyo ndopa na maji vikafuma.”

Yohane 19:34

IVYO LIKAYOWOYA

“Ŵakanipa malipiro ghane, masiliva 30.”

Zekariya 11:12, 13

KUFISKIKA KWAKE

“Yumoza wa ŵasambiri 12, uyo wakachemekanga Yudasi Isikariyoti, wakaluta ku ŵalara ŵa ŵasembe, wakati: ‘Kasi munipenge vichi kuti nimupeleke kwa imwe?’ Ŵakapangana nayo ndalama 30 zasiliva.”

Mateyu 26:14, 15; 27:5