Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Zintharika 9:1-18

IVYO VILI MU BUKU ILI

  • Vinjeru vyeneko vikuchema (1-12)

    • “Mwa ine, mazuŵa ghako ghaŵenge ghanandi” (11)

  • Mwanakazi muzeleza wakuchema (13-18)

    • “Maji ghakwiba ghakunowa” (17)

9  Vinjeru vyenecho vyazenga nyumba yake. Vyaŵaja mizati yake 7.   Vyanozga makora nyama yake,* Vyasazga vinyo lake. Vyanozgaso thebulu lake.   Vyatuma ŵateŵetikazi ŵake, Kuti ŵakachemerezge mu malo ghakukwera gha msumba,+ kuti:   “Yose uyo ni muzeleza, wize kuno.” Kwa uyo walije mahara,* vikuti:   “Zanga, uryeko chingwa chane Na kumwako vinyo lane ilo nasazga.   Uleke uzeleza wako,* uŵe wamoyo,+ Wendenge nyolonyolo mu nthowa ya mahara.”+   Uyo wakuchenya munthu wakugoska wakujichemera soni,+ Ndipo uyo wakupeleka ntchenyo kwa muheni wapwetekekenge.   Ungachenyanga munthu wakugoska chara, wakutinkhenge.+ Uchenye munthu wavinjeru, wakutemwenge.+   Umupe chisambizgo munthu wavinjeru, ndipo wasazgirengeko vinjeru.+ Umusambizge munthu murunji, ndipo wasazgirengeko kumanya vinthu. 10  Kopa Yehova ni jando la vinjeru,+ Na kumumanya Mutuŵa Chomene+ ndiko nkhupulikiska vinthu. 11  Chifukwa mwa ine, mazuŵa ghako ghaŵenge ghanandi,+ Vyaka visazgikengeko ku umoyo wako. 12  Usange waŵa wavinjeru, vinjeru vikovwirenge wekha, Kweni usange ndiwe wakugoska, uvifyonthenge wekha. 13  Mwanakazi uyo ntchindere ngwapamulomo.+ Ni m’bulutu, ndipo wakumanya kanthu chara. 14  Wakukhala pa mulyango wa nyumba yake, Pa mpando mu malo ghapachanya mu msumba,+ 15  Wakuchemerezga ku awo ŵakujumpha, Awo ŵakujendera mu nthowa zawo, wakuti: 16  “Uyo ni muzeleza, wize kuno.” Ndipo kwa awo ŵalije mahara,*+ wakuti: 17  “Maji ghakwiba ghakunowa, Chakurya chakulyera kuudesi chikukondweska.”+ 18  Kweni mwanalume wakumanya yayi kuti ŵakufwa ŵali kwenekura, Kuti ŵalendo ŵa mwanakazi uyu ŵali kusi ku Dindi.*+

Mazgu Ghamusi

Mazgu gheneko, “Vyakoma nyama yake.”
Mazgu gheneko, “ngwakupeleŵera mu mtima.”
Panji kuti, “ŵazeleza.”
Mazgu gheneko, “mbakupeleŵera mu mtima.”
Panji kuti, “Sheole,” ndiko kuti, malaro. Wonani Mang’anamuro gha Mazgu.