Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Zintharika 5:1-23

IVYO VILI MU BUKU ILI

  • Chenjera na ŵanakazi ŵaleŵi (1-14)

  • Sekelera na muwoli wako (15-23)

5  Mwana wane, tegherezga ku vinjeru vyane. Pulikizga* ku umanyi wane,+   Mwakuti usungilire kaghanaghaniro kawemi Na milomo yako, uvikilire luso lwa kumanya vinthu.+   Pakuti milomo ya mwanakazi wakupuluka* yikunthonya nga ni chisa cha uchi,+ Ndipo mulomo wake uli nyililiri kuluska mafuta.+   Kweni paumaliro wakuŵaŵa nga ni nkhalikali,+ Ndipo ngwakuthwa nga ni lupanga lwa wuyi kosekose.+   Malundi ghake ghakukhilira ku nyifwa. Mbondolo zake zikulongozgera ku Dindi.*   Wakughanaghanira yayi nthowa ya umoyo. Wakuyingayinga waka, wakumanya yayi uko wakuya.   Sono, ŵana ŵane, pulikizgani kwa ine Ndipo mungapatukangako yayi ku ivyo nkhuyowoya.   Mukhale kutali na iyo. Mungalutanga pafupi yayi na mulyango wa nyumba yake,+   Mwakuti muleke kupeleka ntchindi zinu ku ŵanji,+ Nanga ni vyaka vinu ku icho ntchankhaza.+ 10  Mwakuti ŵalendo ŵaleke kukumalira vinthu vyako*+ Ndipo ivyo watokatoka kuvisanga vilute ku nyumba ya mulendo. 11  Para ukupusa, paumaliro wa umoyo wako uzamulagha Para munofu na thupi lako vikumara.+ 12  Ndipo wamuyowoya kuti: “Nkhatinkhanga chomene chisambizgo! Mtima wane ukayuyura ntchenyo! 13  Nkhapulikira chara mazgu gha awo ŵakanilongozganga, Nanga nkhuthya khutu ku ŵasambizgi ŵane. 14  Nakhala pachoko chomene kuparanyika Pakati pa mpingo wose.”*+ 15  Umwenge maji gha mu chiziŵa chako Maji ghakwenda* kufuma mu chisimi chako.+ 16  Kasi mbwiwi zako zikwenera kufulukira kuwaro, Tumilonga twako mu maluŵaza?+ 17  Leka viŵe vyako pera, Vingaŵanga vya ŵalendo pamoza na iwe yayi.+ 18  Chisimi chako chitumbikike, Ndipo sekelera na muwoli wa uphya wako,+ 19  Waŵe nga nkhanyama kakutowa, kambaŵala kawemi.*+ Mabere ghake ghakukhorweske* mazuŵa ghose. Ukondwenge na chitemwa chake nyengo zose.+ 20  Ntheura iwe, mwana wane, chifukwa wuli ukutoleka mtima na mwanakazi wakupuluka* Panji kuvumbatira chifuŵa cha mwanakazi muleŵi?*+ 21  Pakuti mendero gha munthu ghali pamaso pa Yehova, Wakusanda nthowa zake zose.+ 22  Muheni wakuwira mu maubudi ghake, Ndipo wakolekenge mu vingwe vya kwananga kwake.+ 23  Wafwenge chifukwa cha kuleka kujiwezga, Na kupuluka chifukwa cha uchindere wake ukuru.

Mazgu Ghamusi

Mazgu gheneko, “Uthye makutu ghako.”
Mazgu gheneko, “wachilendo.” Wonani Zi 2:16.
Panji kuti, “Sheole,” ndiko kuti, malaro. Wonani Mang’anamuro gha Mazgu.
Panji kuti, “nkhongono zako.”
Mazgu gheneko, “Pakati pa wumba na mpingo.”
Panji kuti, “ghawemi.”
Mazgu gheneko, “mbuzimawe.”
Panji kuti, “ghakuloŵezge.”
Mazgu gheneko, “wachilendo.” Wonani Zi 2:16.
Mazgu gheneko, “wachilendo.” Wonani Zi 2:16.