Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Zintharika 4:1-27

IVYO VILI MU BUKU ILI

  • Ulongozgi wavinjeru wa dada (1-27)

    • Kuluska vyose, sanga vinjeru (7)

    • Gega nthowa ziheni (14, 15)

    • Nthowa ya ŵarunji yikuŵaliraŵalira (18)

    • “Vikilira mtima wako” (23)

4  Pulikani, ŵana ŵane, chisambizgo cha dada.+ Tegherezgani mwakuti mupulikiske,   Pakuti nimupaninge fundo ziwemi. Mungasidanga chara chisambizgo chane.*+   Nane nkhaŵa mwana mwenecho kwa adada,+ Ndipo nkhatemwekanga chomene na amama.+   Adada ŵakanisambizga ŵakati: “Mtima wako ukoleske mazgu ghane.+ Sungilira malango ghane kuti ulutilire kuŵa wamoyo.+   Usange vinjeru, upulikiskenge vinthu.+ Ungaluwanga yayi, ndipo ungapatukangako yayi ku ivyo nkhuyowoya.   Ungavilekanga chara, ndipo vikuvikilirenge. Uvitemwe, ndipo vikusungilirenge.   Vinjeru ntchinthu chakuzirwa chomene,+ ntheura usange vinjeru, Ndipo pa vyose ivyo ungasanga, usazgirepo kupulikiska.+   Uvizirwiske chomene, ndipo vikukwezgenge.+ Vikuchindikenge chifukwa chakuti ukuvifukatira.+   Viŵikenge nkhata ya maluŵa ghakutowa ku mutu wako, Vikutozgenge na mphumphu ya utozi.” 10  Pulika, mwana wane na kupokelera mazgu ghane, Ndipo vyaka vya umoyo wako viŵenge vinandi.+ 11  Ine nikusambizgenge mu nthowa ya vinjeru.+ Nikulongozgenge mu nthowa zakunyoloka.+ 12  Para ukwenda, mendero ghako ghajandizgikenge yayi. Ndipo para ukuchimbira, ukhuŵarenge chara. 13  Koleska chisambizgo, ungachitayanga yayi.+ Uchisungilire, pakuti mbumoyo wako.+ 14  Unganjiranga mu mendero gha ŵabendezi yayi, Mu nthowa ya ŵaheni ungendangamo chara.+ 15  Uyigege, ungajumphangamo yayi.+ Patukako, ujumphe kumphepete.+ 16  Pakuti ŵangagona yayi kwambura kuti ŵachita uheni. Tulo ŵakuŵavya m’paka ŵawiske dankha munthu. 17  Ŵakurya chingwa cha uheni, Ndipo ŵakumwa vinyo la nkhaza. 18  Kweni nthowa ya ŵarunji yili nga mbungweru wa matandakucha Uwo ukuŵaliraŵalira m’paka muhanya pakati.+ 19  Nthowa ya ŵaheni yili nga ni mdima. Ŵakumanya yayi icho chikuŵakhuŵazga. 20  Mwana wane, tegherezga mazgu ghane, Pulikizga* ku ivyo nkhuyowoya. 21  Vingafumangapo yayi pamaso pako. Uvisunge mukati mu mtima wako,+ 22  Pakuti mbumoyo ku awo ŵakuvisanga+ Ndipo thupi lawo lose likuŵa liwemi. 23  Pa vyose ivyo ukuvikilira, vikilira chomene mtima wako,+ Pakuti ndimo muli chisimi cha umoyo. 24  Uwuskeko kwa iwe kayowoyero kauryarya,+ Ndipo mazgu ghaheni ghaŵe kutali na iwe. 25  Maso ghako ghalaŵiskenge kunthazi, Enya, ulaŵiske dodoli panthazi pako.+ 26  Skesketezga* nthowa ya malundi ghako,+ Ndipo mendero ghako ghose ghaŵenge ghawemi. 27  Ungalazganga kumalyero panji kumazere chara.+ Wuskako malundi ghako ku uheni.

Mazgu Ghamusi

Panji kuti, “dango lane.”
Mazgu gheneko, “Uthye khutu lako.”
Pangayowoyekaso kuti, “Ghanaghanira makora.”