Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Zintharika 28:1-28

IVYO VILI MU BUKU ILI

  • Lurombo lwa munthu wambura kupulikira mbunyankhasi (9)

  • Uyo wakuzomera kwananga, wakulongoreka lusungu (13)

  • Uyo wakuchimbilira kusambazga, wakuŵa na mulandu (20)

  • Kuchenya nkhuwemi kuluska kumyamyatika (23)

  • Munthu wakupa wakusoŵa kanthu chara (27)

28  Ŵaheni ŵakuchimbira nanga palije munthu uyo wakuŵaskera, Kweni ŵarunji mbakukhwima mtima nga ni nkhalamu.*+   Para mu charu mwazara kuswa malango,* pa chitengo pakwerenge karonga uyu na uyu,+ Kweni na wovwiri wa munthu waumanyi na wakumanya tunthu, karonga* wawusenge nyengo yitali.+   Munthu mukavu uyo wakulyera ŵakuyuyuka+ Wali nga ni vula iyo yikukukura vyakurya vyose.   Awo ŵakusida dango ŵakulumba munthu muheni, Kweni awo ŵakusunga dango ŵakukwiya nawo.+   Ŵanthu ŵaheni ŵakupulikiska yayi urunji, Kweni awo ŵakupenja Yehova ŵakupulikiska chilichose.+   Mukavu uyo wakwenda mu kunyoloka ni muwemi Kuluska musambazi uyo ni muryarya mu mendero ghake.+   Mwana wakupulikiska wakusunga dango, Kweni uyo wakwendezgana na ŵankharye wakukhozga soni awiske.+   Uyo wakusazgirako usambazi wake pakutchaja ndalama zapachanya panji katapira+ Wakuwunjikira uyo wakuchitira lusungu ŵakavu.+   Uyo wakukana kupulika dango —Lurombo lwake nalo mbukazuzi.+ 10  Uyo wakupuluska wakunyoloka kuti watore nthowa yiheni, wawenge mu mbuna yake,+ Kweni wambura kafukwa waharenge viwemi.+ 11  Musambazi ngwavinjeru mu maso ghake,+ Kweni mukavu uyo ngwaumanyi wakumusanda.+ 12  Para ŵarunji ŵatonda, pakuŵa uchindami ukuru, Kweni para muheni wamba kuwusa, ŵanthu ŵakubisama.+ 13  Uyo wakubisa maubudi ghake vinthu vimwenderenge yayi,+ Kweni uyo wakughazomera na kughaleka walongorekenge lusungu.+ 14  Ngwakukondwa munthu uyo wakuŵa maso nyengo zose, Kweni uyo wakunonopeska mtima wake wawirenge mu soka.+ 15  Nga ni nkhalamu yakuwuluma na nkhalamira iyo yatomoka Ndimo waliri muwusi muheni ku ŵanthu ŵakusoŵa pakukora.+ 16  Mulongozgi wambura umanyi wakuchita makora chara na mazaza ghake,+ Kweni uyo wakutinkha chandulo chauryarya waŵenge na umoyo utali.+ 17  Uyo wali na mulandu wa ndopa chifukwa cha kutora umoyo wa munthu* wakhalirenge waka kuchimbirachimbira m’paka mu dindi woma!*+ Paŵavye wakumovwira. 18  Uyo wakwenda kwambura kafukwa waponoskekenge,+ Kweni uyo ni muryarya mu mendero ghake wawenge mwamabuchi.+ 19  Uyo wakulima munda wake waŵenge na chakurya chinandi, Kweni uyo wakulondezga vyawaka waŵenge mu ukavu ukuru.+ 20  Munthu wakugomezgeka wapokerenge vitumbiko vinandi,+ Kweni uyo wakuchimbilira kusambazga waŵenge wambura mulandu chara.+ 21  Ntchiwemi yayi kutemwera.+ Kweni munthu wangananga chifukwa cha kachingwa kadoo! 22  Munthu wabina* wakunwekera usambazi, Kwambura kumanya kuti ukavu umusangenge. 23  Yose uyo wakuchenya munthu+ watemwekenge chomene paumaliro+ Kuluska uyo wakumyamyatika waka na lulimi lwake. 24  Uyo wakulyera awiske na anyina, na kuyowoya kuti: “Mbuheni yayi,”+ Ni mubwezi wa munthu uyo wakuparanya.+ 25  Munthu muryezi* wakwambiska mphindano, Kweni uyo wakuthemba Yehova vinthu vimwenderenge makora.*+ 26  Uyo wakuthemba mtima wake ni muzeleza,+ Kweni uyo wakwenda mu vinjeru waponenge.+ 27  Uyo wakupako vinthu ŵakavu wasoŵenge kanthu chara,+ Kweni uyo wakuŵasizimilira maso wapokerenge nthembo zinandi. 28  Para ŵaheni ŵamba kuwusa, ŵanthu ŵakubisama, Kweni para ŵamara, ŵarunji ŵakwandana.+

Mazgu Ghamusi

Panji kuti, “mwana wa nkhalamu.”
Panji kuti, “uchigaluka.”
Mazgu gheneko, “iyo.”
Panji kuti, “Uyo wali na ndopa za umoyo.”
Panji kuti, “mu khululu woma!”
Panji kuti, “wambunu.”
Pangayowoyekaso kuti, “wakujikuzga.”
Mazgu gheneko, “watutuŵenge.”