Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Zintharika 27:1-27

IVYO VILI MU BUKU ILI

  • Ntchenyo yakufuma kwa mubwezi njakovwira (5, 6)

  • Mwana wane, kondweska mtima wane (11)

  • Chisulo chikunora chisulo chinyake (17)

  • Manya mskambo wako (23)

  • Usambazi ukukhaliska yayi (24)

27  Ungathumbwanga na vyamachero chara, Pakuti ukumanya yayi ivyo zuŵa linyake lizenge navyo.*+   Munthu munyake* ndiyo wakulumbe, mulomo wako chara, Ŵanji* ŵakulumbe, milomo yako yayi.+   Libwe ndizito, mchenga nawo nguzito, Kweni kukwenyerezga kwa chindere nkhuzito kuluska vyose viŵiri.+   Kutukutwa kuli na nkhaza, ukali ukufuluka, Kweni ni njani wangima ku sanji?+   Ntchenyo yapakweru njiwemi kuluska chitemwa chakubisika.+   Vilonda vyakufuma kwa mubwezi ni vyakugomezgeka,+ Kweni mifyofyontho ya mulwani njinandi.*   Uyo wakhuta, wakukana uchi wa ku chisa, Kweni uyo wali na njara, nanga ni icho ntchakuŵaŵa chikunong’omera.   Nga ntchiyuni icho chapuluka* ku chivwimbo chake, Ndimo waliri munthu uyo wapuluka ku nyumba yake.   Mafuta na vyakununkhira vikukondweska mtima. Ndimo uliri ubwezi uwemi wakujintha pa ulongozgi wakovwira.*+ 10  Ungasidanga mubwezi wako yayi panji mubwezi wa awuso, Ndipo mu zuŵa la soka lako, unganjiranga mu nyumba ya mukuru panji munung’una wako chara. Mzengezgani wapafupi ni muwemi kuluska mukuru panji munung’una wako wakutali.+ 11  Mwana wane, uŵe wavinjeru na kukondweska mtima wane,+ Mwakuti nimuzgore uyo wakuninena.+ 12  Munthu wakuchenjera wakuwona ulwani na kubisama,+ Kweni muzeleza wakujendera bweka ndipo wakupwetekeka.* 13  Torani chakuvwara cha munthu usange wimira mulendo pa ngongoli, Mupoke chikholi kwa iyo usange wimira mwanakazi wachilendo.*+ 14  Para munthu wakutumbika munyake na mazgu ghakuchemerezga mulenjilenji, Chipimikenge kuti ni nthembo kwa iyo. 15  Mwanakazi wambembe* wali nga ni mtenje wakusulura mu nyengo ya vula.+ 16  Yose uyo wangalekeska mwanakazi wantheura wangalekeskaso mphepo, Ndipo wangavumbatira mafuta mu woko lake lamalyero. 17  Nga umo chisulo chikunolera chisulo chinyake, Ndimo munthu nayo wakunolera mubwezi wake.*+ 18  Uyo wakupwelelera khuni la mkuyu waryenge chipambi chake,+ Ndipo uyo wakupwelelera fumu yake wachindikikenge.+ 19  Nga umo maji ghakulongolera chisko cha munthu, Ntheura ndimo mtima wa munthu yumoza ukulongolera wa munyake. 20  Dindi na malo gha pharanyiko* vikukhuta chara,+ Maso gha munthu nagho ghakukhorwa yayi. 21  Chiŵiya ntchakwengeramo siliva ndipo ng’anjo nja golide,+ Munthu nayo wakuyezgeka na malumbo agho wakupokera.* 22  Nanga ungatora musi na kugodora chindere Nga ni mbuto zakupwanthika mu thuli, Uchindere wake ufumengemo yayi. 23  Umanye makora mawonekero gha mskambo wako. Pwelelera makora* mberere zako,+ 24  Pakuti usambazi ukukhalilira muyirayira yayi,+ Nanga ni mphumphu ku miwiro yose. 25  Utheka wakubiliŵira ukumara, utheka uphya ukumera, Ndipo vyakumera vya mu mapiri vikuwunjikika. 26  Twana twa mberere tukumupani vyakuvwara, Ndipo ŵapepe ŵakumupani mtengo wa munda. 27  Kuŵenge mkaka unandi wa mbuzi kuti umwenge, Kulyeska ŵamunyumba yako, na kukhutiska ŵateŵetikazi ŵako.

Mazgu Ghamusi

Mazgu gheneko, “libabenge.”
Mazgu gheneko, “Mulendo.”
Mazgu gheneko, “Wachilendo.”
Pangayowoyekaso kuti, “njautesi; njakuchichizgika waka.”
Panji kuti, “chadukira kutali na.”
Panji kuti, “ulongozgi wa umoyo.”
Panji kuti, “wakuvimyantha.”
Panji kuti, “mulendo.”
Panji kuti, “wakusuzga.”
Mazgu gheneko, “chisko cha mubwezi wake.”
Panji kuti, “Sheole na Abadoni.”
Panji kuti, “Ndimo waliri munthu kuyana na malumbo ghake.”
Panji kuti, “Ŵika mtima wako pa; Maso ghako ghaŵe pa.”