Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Zintharika 20:1-30

IVYO VILI MU BUKU ILI

  • Vinyo likuzelezeska (1)

  • Mukata wakulima yayi mu chifuku (4)

  • Maghanoghano gha munthu ghali nga ni maji ghakunyang’amira (5)

  • Ntchiwemi yayi kuchimbilira kulapa (25)

  • Uchindami wa ŵawukirano ni nkhongono zawo (29)

20  Vinyo likuzelezeska,+ chakumwa chakuloŵezga chikuhangayiska,+ Waliyose uyo wakupuluskika navyo walije vinjeru.+   Kofya kwa themba kuli nga nkhubangura kwa nkhalamu.+ Yose uyo wakulikwiyiska wakuŵika umoyo wake pangozi.+   Ni ntchindi kwa munthu kukana mphindano,+ Kweni yose uyo ntchindere wakunjiramo waka.+   Munthu mukata wakulima yayi mu chifuku, Ntheura wazamupempheska mu nyengo ya vuna, para walije kanthu.*+   Maghanoghano* mu mtima wa munthu ghali nga ni maji ghakunyang’amira, Kweni munthu waumanyi watekengepo.   Ŵanthu ŵanandi ŵakupharazga lusungu* lwawo, Kweni ni njani wangasanga munthu wakugomezgeka?   Munthu murunji wakwenda mu kunyoloka kwake.+ Mbakukondwa ŵana ŵake awo ŵakumulondezga.+   Para themba lakhala pa chitengo kuti leruzge,+ Likusefa uheni wose na maso ghake.+   Ni njani wangayowoya kuti: “Natozga mtima wane,+ Nili wakutowa ku kwananga kwane”?+ 10  Malibwe ghakupimira ghakupusika na vyakupimira vyautesi* —Vyose viŵiri mbukazuzi kwa Yehova.+ 11  Nanga ni mwana* wakumanyikwa na milimo yake, Usange nkharo yake njiwemi na yakwenelera.+ 12  Khutu ilo likupulika na jiso ilo likulaŵiska —Vyose viŵiri wali kuvipanga ni Yehova.+ 13  Ungatemwanga tulo yayi, mwakuti uleke kukavuka.+ Banura maso ghako, ndipo ukhutenge chingwa.+ 14  Uyo wakugura wakuti, “ntchiwemi yayi, ntchiwemi yayi!” Mbwenu wakuluta na kwamba kujithumbwa.+ 15  Kuli golide na malibwe gha korali* ghanandi, Kweni milomo iyo yikumanya vinthu njakuzirwa.+ 16  Torani chakuvwara cha munthu usange wimira mulendo pa ngongoli,+ Mupoke chikholi kwa iyo usange wimira mwanakazi wachilendo.*+ 17  Chingwa icho chasangikira mu utesi ntchakunowa kwa munthu, Kweni pamanyuma mu mulomo wake muzurenge tumasangalawe.+ 18  Para pali kudumbiskana,* vinthu vikwenda makora,+ Na fundo zavinjeru* urwe nkhondo yako.+ 19  Munthu wakusesa wakwendendeka na kuvumbura vinthu vya kuudesi,+ Ungendezgananga nayo yayi uyo ni mwendanato.* 20  Yose uyo wakutemba awiske na anyina, Nyali yake yizimwikenge para chisi chafika.+ 21  Chiharo icho pakwamba chapokeka mu umbunu, Chiŵenge thumbiko yayi paumaliro.+ 22  Ungayowoyanga yayi kuti: “Niwezgerenge uheni!”+ Gomezga Yehova,+ ndipo wakuponoskenge.+ 23  Malibwe* ghakupimira ghakupusika, mbukazuzi kwa Yehova, Ndipo sikelo yakupusika njiwemi yayi. 24  Mendero gha munthu ghakulongozgeka na Yehova.+ Kasi munthu wangamanya wuli nthowa yake?* 25  Ntchipingo kwa munthu kuchimbilira kuyowoya kuti: “Ntchituŵa!”+ Kweni pamanyuma ndipo wakwamba kusanda ivyo walapa.+ 26  Themba lavinjeru likusefa ŵanthu ŵaheni+ Ndipo likwendeskapo khwilo lakupwanthira pa iwo.+ 27  Mvuchi wa munthu ni nyali ya Yehova, Ukusandasanda mukati mwake mose. 28  Lusungu* na kugomezgeka vikusungilira themba.+ Likukhozga chitengo chake na lusungu.+ 29  Uchindami wa ŵawukirano ni nkhongono zawo,+ Ndipo utozi wa ŵachekuru ni mbuha* zawo.+ 30  Vikomokomo na mabamba vikukakatura uheni,+ Ndipo maluswazu ghakutozga mukati mwa munthu.

Mazgu Ghamusi

Pangayowoyekaso kuti, “Ŵazamupenja mu nyengo ya kuvuna kweni ŵazamusanga kanthu chara.”
Panji kuti, “Makhumbiro.” Mazgu gheneko, “Fundo.”
Panji kuti, “chitemwa chakugomezgeka.”
Panji kuti, “Malibwe ghaŵiri na vyakupimiramo viŵiri.”
Panji kuti, “msepuka.”
Panji kuti, “mulendo.”
Panji kuti, “wupu.”
Panji kuti, “ulongozgi wavinjeru.”
Panji kuti, “uyo wakunyenga na milomo yake.”
Panji kuti, “Malibwe ghaŵiri.”
Panji kuti, “nthowa yakwendamo?”
Panji kuti, “Chitemwa chakugomezgeka.”
Mazgu ghanyake, “nyivwi.”