Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Zintharika 18:1-24

IVYO VILI MU BUKU ILI

  • Uyo wakujipatura wakwendera vyayekha, ngwambura vinjeru (1)

  • Zina la Yehova ntchigongwe chakukhora (10)

  • Munthu wakuwona chuma nga kuti ntchivikiliro (11)

  • Uwemi wa kupulika vigaŵa vyose viŵiri pa mulandu (17)

  • Mubwezi wakudemelera kuluska mubali wako (24)

18  Uyo wakujipatura wakulondezga makhumbiro ghake. Wakukana* vinjeru vyose.   Munthu muzeleza wakukhumba yayi kupulikiska vinthu, Kweni wakukhumba kuvumbura waka ivyo vili mu mtima wake.+   Para munthu muheni wiza, muyuyuro nawo ukwiza, Ndipo pamoza na soni pali msinjiro.+   Mazgu mu mulomo wa munthu ni maji ghakunyang’amira.+ Chisimi cha vinjeru nkhamlonga kakufuluka.   Ntchiwemi yayi kutemwera muheni,+ Panji kumukanira murunji weruzgi wakunyoloka.+   Kayowoyero ka muzeleza kakwambiska mbembe,+ Mulomo wake ukukhumba kutimbika.+   Mulomo wa muzeleza ukumuparanya,+ Ndipo milomo yake ntchipingo ku umoyo wake.   Mazgu gha wakusesa ghali nga ni vyakurya vyakunowa,*+ Ghakumilika m’paka mu nthumbo mukati.+   Yose uyo ni mukata pa mulimo wake Ni mubali wa uyo wakuparanya.+ 10  Zina la Yehova ntchigongwe chakukhora.+ Murunji wakuchimbilira kwenekuko na kuvikilirika.*+ 11  Chuma cha munthu musambazi ni msumba wake wakukhora, Wakuchiwona nga ntchiliŵa chakumuvikilira.+ 12  Pambere pharanyiko lindafike mtima wa munthu ukujituntha,+ Ndipo pambere uchindami undafike pali kujiyuyura.+ 13  Usange munthu wakuzgora nkhani pambere wandayipulikiske, Mbuchindere na soni.+ 14  Mzimu wa munthu ungamovwira mu ulwari,+ Kweni ni njani wanganyamura mzimu wakuteketeka?*+ 15  Mtima wa munthu wakupulikiska ukumanya vinthu,+ Ndipo khutu la wavinjeru likukhumba kumanya vinthu. 16  Chawanangwa cha munthu chikumusengulira nthowa,+ Chikumovwira kuti wafike ku ŵanthu ŵakuzirwa. 17  Uyo wamba kuyowoya pa mulandu wakuwoneka murunji,+ M’paka munthu munyake wize na kumufumba mafumbo.+ 18  Mphenduzga* zikumazga mphindano,+ Ndipo zikudumura mulandu pakati pa* awo ŵakupindikana. 19  Mubali uyo wabudirika wakuthera luŵiro chara kuluska msumba wakukhora,+ Ndipo pali mphindano izo zili nga ni mphingilizgo zakujalira linga.+ 20  Nthumbo ya munthu yikhutenge na chipambi cha mulomo wake.*+ Wakhorwenge na vipambi vya milomo yake. 21  Nyifwa na umoyo vili mu nkhongono ya lulimi,+ Uyo wakulutemwa waryenge chipasi chake.+ 22  Uyo wasanga muwoli muwemi wasanga chinthu chiwemi,+ Ndipo wakutemweka na Yehova.+ 23  Mukavu wakuŵeya pakuyowoya, Kweni musambazi wakuzgora mwaganyavu.* 24  Pali ŵabwezi awo mbakunozgeka kupwetekana,+ Kweni pali mubwezi uyo wakudemelera kuluska mubali wako.+

Mazgu Ghamusi

Panji kuti, “Wakupepura.”
Panji kuti, “ghali nga ni vinthu ivyo vikumilika luŵiroluŵiro.”
Mazgu gheneko, “kukwezgeka pachanya,” ndiko kuti, munthu wangafikapo yayi.
Panji kuti, “wakwenjerwa chomene.”
Mazgu gheneko, “zikupatura.”
Panji kuti, “kayowoyero kake.”
Mazgu ghanyake, “nkhanyulira.”