Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Zintharika 17:1-28

IVYO VILI MU BUKU ILI

  • Ungawezgeranga uheni pa uwemi yayi (13)

  • Fumapo pambere mbembe yindambe (14)

  • Mubwezi wanadi wakutemwa nyengo zose (17)

  • “Mtima wachimwemwe ni munkhwala uwemi” (22)

  • Munthu waumanyi wakujikora pakuyowoya (27)

17  Ntchiwemi kurya chingwa chakomira apo pali mtende+ Kuluska nyumba yakuzura na vyakurya* pamoza na kwambana.+   Muteŵeti wamahara wawusenge mwana uyo wakuchita vyakulengeska. Nayo wapokengeko chiharo nga njumoza wa ŵana ŵa pa nyumba.   Chiŵiya ntchakwengeramo siliva ndipo ng’anjo nja golide,+ Kweni Yehova ndiyo wakusanda mitima.+   Muheni wakuthya khutu ku mazgu ghakupweteka, Muryarya wakupulikira lulimi ulo lukwata viheni.+   Uyo wakuseka mukavu wakunyoza Mlengi wake,+ Uyo wakusekelera para munyake soka lamuwira walekenge chara kulangika.+   Ŵazukuru ni mphumphu ya ŵachekuru, Ndipo uchindami wa ŵana mbawiskewo.*   Kayowoyero kakunyoloka* nkhakwenelera chindere yayi.+ Ipo kwakuluska kayowoyero kautesi nkhambura kwenelera muwusi!*+   Chawanangwa chili nga ni libwe lakuzirwa* kwa mweneko.+ Wakusanga nacho chandulo kulikose uko wazgokera.+   Uyo wakugowokera* maubudi wakupenja chitemwa,+ Kweni uyo wakuwerezgawerezga waka nkhani wakupatuska ŵabwezi.+ 10  Ntchenyo yikunjira chomene mwa uyo ngwakupulikiska+ Kuluska kuthyapura munthu muzeleza maulendo 100.+ 11  Muheni wakupenja uchigaluka pera, Kweni thenga lankhaza litumikenge kuti likamulange.+ 12  Ntchiwemi kusangana na nkhalamira iyo yapokeka ŵana ŵake Kuluska kusangana na munthu muzeleza mu uchindere wake.+ 13  Usange munthu wakuwezgera uheni pa uwemi, Uheni ufumengepo yayi pa nyumba yake.+ 14  Kwambiska zawe vili nga nkhujulira maji.* Pambere mbembe yindambe, iwe fumapo.+ 15  Uyo wakurunjiska muheni na uyo wakususka murunji+ —Wose ŵaŵiri mbanyankhasi kwa Yehova. 16  Kasi pali uwemi wuli kuti muzeleza wali na nthowa zakusangira vinjeru Uku walije mtima wakuvisangira?*+ 17  Mubwezi wanadi wakutemwa nyengo zose,+ Ndipo ni mubali uyo wali kubabikira kovwira mu suzgo.+ 18  Munthu wambura mahara* wakukorako chasa na kuzomerezga Kukhalira ukaboni pamaso pa mzengezgani wake.+ 19  Uyo wakutemwa mphindano wakutemwa ubendezi.+ Yose uyo wakuŵika chipata chake pachanya wakujichemera pharanyiko.+ 20  Uyo ni khuluku mu mtima wake vimwenderenge* yayi,+ Ndipo uyo wakuyowoya mwauryarya wawenge mu pharanyiko. 21  Uyo wababa mwana muzeleza waŵenge na chitima. Ndipo dada wa mwana wambura mahara walije chimwemwe.+ 22  Mtima wachimwemwe ni munkhwala uwemi,*+ Kweni mzimu wakuphyoka ukukamuska nkhongono.*+ 23  Munthu muheni wakupoka chimbundi kuudesi* Kuti wabendezge urunji.+ 24  Vinjeru vili panthazi pa munthu waumanyi, Kweni muzeleza wakuti waka maso ŵeraŵera m’paka ku vigoti vya charu chapasi.+ 25  Mwana muzeleza wakuchitiska chitima awiske, Ndipo wakuŵinyiska mtima* uyo wakamubaba.+ 26  Ntchiwemi yayi kulanga* murunji. Ndipo ntchakwenelera yayi kuthyapura ŵanthu ŵakuchindikika. 27  Munthu uyo wakumanya tunthu wakujiwezga pakuyowoya,+ Ndipo munthu waumanyi wakuzikira.*+ 28  Nanga ntchindere icho chikukhala waka chete chiwonekenge nga ntchavinjeru, Ndipo uyo wakujara milomo yake nga ngwaumanyi.

Mazgu Ghamusi

Mazgu gheneko, “sembe.”
Panji kuti, “mbapapi ŵawo.”
Panji kuti, “kawemi.”
Panji kuti, “munthu wakuchindikika.”
Panji kuti, “ni libwe ilo likuchema mwaŵi.”
Mazgu gheneko, “wakuwundira.”
Panji kuti, “nga nkhujulira chiziŵa.” Mazgu gheneko, “kufumiska maji.”
Panji kuti, “Uku walije mahara?”
Mazgu gheneko, “wakupeleŵera mu mtima.”
Panji kuti, “wasangenge viwemi.”
Panji kuti, “nguwemi pakuchizga.”
Panji kuti, “ukomizga viwangwa.”
Mazgu gheneko, “wakutora chimbundi mu chifuŵa.”
Mazgu gheneko, “nkhuŵaŵa kwa.”
Panji kuti, “kulipiska.”
Mazgu gheneko, “ngwakuzika mu mzimu.”