Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Zintharika 12:1-28

IVYO VILI MU BUKU ILI

  • Uyo wakutinkha ntchenyo walije mahara (1)

  • “Kayowoyero kawakawaka kali nga nkhulasa kwa lupanga” (18)

  • Apo pali mtende pali chimwemwe (20)

  • Milomo yitesi mbunyankhasi kwa Yehova (22)

  • Mtima ukulopwa chifukwa cha kwenjerwa (25)

12  Uyo wakutemwa kusambizgika wakutemwa kumanya,+Kweni uyo wakutinkha ntchenyo wakughanaghana makora yayi.*+   Munthu muwemi wakutemweka na Yehova,Kweni Chiuta wakususka uyo wakwata viŵembu.+   Palije munthu uyo wakukhozgeka na uheni,+Kweni murunji wazgulikenge yayi.   Mwanakazi waluso ni mphumphu kwa mfumu wake,+Kweni mwanakazi wakulengeska wali nga nkhuvunda mu viwangwa vya mfumu wake.+   Maghanoghano gha ŵarunji ngakunyoloka,Kweni ulongozgi wa ŵaheni ngwakupusika.   Mazgu gha ŵaheni ntchiŵembu chakofya,*+Kweni mulomo wa ŵakunyoloka ndiwo ukuŵaponoska.+   Para ŵaheni ŵaparanyika, ŵakuŵakoso yayi,Kweni nyumba ya ŵarunji yimenge.+   Munthu wakulumbika kuyana na mahara gha mulomo wake,+Kweni uyo ngwakunyongoloka mu mtima wayuyulikenge.+   Ntchiwemi kuchindikika pachoko kweni uli na muteŵetiKuluska kujichindika wekha kweni ulije chakurya.*+ 10  Murunji wakupwelelera viŵeto vyake,*+Kweni lusungu lwa muheni ni nkhaza pera. 11  Uyo wakulima munda wake wakhutenge chakurya,+Kweni uyo wakulondezga vinthu vyawakawaka walije mahara.* 12  Muheni wakuchita sanji na icho ŵaheni ŵanyake ŵakora,Kweni msisi wa murunji ukupambika vipasi. 13  Munthu muheni wakukoleka na kayowoyero kake kakwananga,+Kweni murunji wakufyolowokamo mu suzgo. 14  Munthu wakukhorwa na viwemi kufuma mu chipambi cha mulomo wake,*+Ndipo mulimo wa mawoko ghake umupenge njombe. 15  Mendero gha chindere ngakwenelera mu maso ghake,+Kweni wavinjeru wakupulikira ulongozgi.*+ 16  Chindere chikulongora luŵiro* ukali wake,+Kweni wakuchenjera wakusulako waka* msinjiro. 17  Uyo wakupeleka ukaboni wakugomezgeka wayowoyenge unenesko,*Kweni kaboni mutesi wakuyowoya upusikizgi. 18  Kayowoyero kawakawaka kali nga nkhulasa kwa lupanga,Kweni lulimi lwa wavinjeru lukuchizga.+ 19  Milomo yaunenesko yikhalilirenge muyirayira,+Kweni lulimi lutesi ndwakanyengo kachoko waka.+ 20  Upusikizgi uli mu mtima wa awo ŵakwata uheni,Kweni awo ŵakukhozgera* mtende ŵali na chimwemwe.+ 21  Palije chiheni icho chiwirenge murunji,+Kweni soka lizurenge pa ŵaheni.+ 22  Milomo yitesi mbukazuzi kwa Yehova,+Kweni awo mbakugomezgeka ŵakumukondweska. 23  Munthu wakuchenjera wakubisako ivyo wakumanya,Kweni mtima wa vindere ukubwetura uchindere.+ 24  Woko la munthu wachitatata ndilo liwusenge,+Kweni mawoko ghakata ghachichizgikenge kugwira ntchito.+ 25  Mtima wa munthu ukulopwa chifukwa cha kwenjerwa,+Kweni mazgu ghawemi ghakuwukondweska.+ 26  Murunji wakusanda mwakupwelelera malo ghake,Kweni mendero gha ŵaheni ghakuŵapuluska. 27  Mukata wakuvutupuska yayi nyama,+Kweni chitatata mbusambazi wakuzirwa wa munthu. 28  Nthowa ya urunji yikulongozgera ku umoyo,+Mu tunthowa twake mulije nyifwa.

Mazgu Ghamusi

Panji kuti, “walije mahara.”
Mazgu gheneko, “nkhujoŵelera ndopa.”
Mazgu gheneko, “chingwa.”
Panji kuti, “umoyo wa chiŵeto chake.”
Mazgu gheneko, “ngwakupeleŵera mu mtima.”
Panji kuti, “kayowoyero kake.”
Panji kuti, “fundo.”
Panji kuti, “zuŵa leneliro.”
Mazgu gheneko, “wakubenekelera.”
Mazgu gheneko, “icho ntchaurunji.”
Mazgu gheneko, “mbakupeleka fundo ŵa.”