Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Zekariya 6:1-15

IVYO VILI MU BUKU ILI

  • Mboniwoni ya 8: Magileta ghanayi (1-8)

  • Mphukira wazamuŵa themba na wasembe (9-15)

6  Nkhinuskaso maso ghane ndipo nkhawona magileta ghanayi ghakwiza kufuma pakati pa mapiri ghaŵiri, ndipo mapiri agha ghakaŵa ghamkuŵa.  Gileta lakwamba likaŵa na mahachi ghaswesi, ndipo gileta lachiŵiri likaŵa na mahachi ghafipa.+  Gileta lachitatu likaŵa na mahachi ghatuŵa, ndipo gileta lachinayi likaŵa na mahachi ghamabangamabanga.+  Nkhafumba mungelo uyo wakayowoyanga nane, nkhati: “Kasi ivi ni vichi, fumu yane?”  Mungelo wakanizgora kuti: “Ivi ni mizimu yinayi+ yakuchanya iyo yikuluta pamanyuma pakuti yawonekera pamaso pa Fumu ya charu chose chapasi.+  Gileta ilo lili na mahachi ghafipa likuluta ku charu chakumpoto.+ Ilo lili na mahachi ghatuŵa likuluta kusirya la nyanja, ndipo ilo lili na mahachi ghamabangamabanga likuluta ku charu chakumwera.  Mahachi ghamabangamabanga ghakaŵa ghakunweka kwendendeka mu charu chapasi.” Ndipo wakati: “Lutani, mwendendeke mu charu chapasi.” Penepapo ghakamba kwendendeka mu charu chapasi.  Ndipo wakachemerezga kwa ine, wakati: “Wona, agho ghakuluta ku charu chakumpoto ghapumuzga mzimu wa Yehova mu charu chakumpoto.”  Mazgu gha Yehova ghakizaso kwa ine, ghakati: 10  “Kwa Helidayi, Tobiya, na Yedaya utoleko ivyo ŵanthu ŵakiza navyo kufuma ku wuzga. Ndipo pa zuŵa ilo, ulute ku nyumba ya Yosiya mwana wa Zefaniya pamoza na ŵanthu aŵa, awo ŵafuma ku Babuloni. 11  Utore siliva na golide na kupanga mphumphu,* ndipo uyiŵike pa mutu wa Joshuwa+ mwana wa Yehozadaki, wasembe mukuru. 12  Umuphalire kuti: “‘Ichi ndicho Yehova wa mawumba wayowoya: “Wona munthu uyo zina lake ni Mphukira.+ Wazamuphuka pa malo ghake, ndipo wazamuzenga tempile la Yehova.+ 13  Ndiyo wazamuzenga tempile la Yehova, ndipo ndiyo wazamuŵa na uchindami. Wazamukhala pa chitengo chake na kuwusa, ndipo wazamuŵaso wasembe pa chitengo chake.+ Pazamuŵa phangano la mtende pakati pa milimo yake yiŵiri iyi.* 14  Mphumphu* yizamukhala mu tempile la Yehova, ndipo yizamuŵa chikumbusko kwa Helemu, Tobiya, Yedaya,+ na Heni mwana wa Zefaniya. 15  Ndipo awo ŵali kutali ŵazamwiza na kuzengako tempile la Yehova.” Penepapo muzamumanya kuti Yehova wa mawumba wanituma kwa imwe. Ichi chizamuchitika nadi, usange mukupulikira mazgu gha Yehova Chiuta winu.’”

Mazgu Ghamusi

Panji kuti, “mphumphu yikuru.”
Ndiko kuti, pakati pa mulimo wa kuwusa na wa usembe.
Panji kuti, “Mphumphu yikuru.”